Amós 4:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ñi qara'gaxala' nouona'gue na llaalqaipi so Israel, ca' 'naac: Mohi, 'iigue da Betel chaqai da Gilgal, nqouagaxaiñitac; ca' ¡'viichii ca rasauaxashichii, nqo'naxachiuec na npa'guenaxaguii! Viguii na rachitaxanataxanaxachii quiyi nete'eta chaqai aná'maq naqachiu'a quiyi diez quecaua tres na'xata'.

Amós 4:4 Iomraidhean Croise

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Amós 5:5

Sqai quiipegue' yi Betel quiyim nqouagaxaiñii, chaqai sqai 'iigue da Gilgal, chaqai sqai quiipegue' yi Beerseba, ma' yi Gilgal qaica ca nañitqa' quiyim ỹoqa'a ca 'laua qainaxague, chaqai yi Betel qanopoxoỹaxajñi ma'le.

Mateo 23:32

Ca ¡'maxaraic quiyim qamiri 'xañiñi dá'maq ỹo'ueeto' na'le so 'auaxaic qataa'illipi!

Mateo 26:45

Ca quepegue' yí'maq hueesa'ñi saua lapaxaguinatqa. Ca 'naaco' quesaua'maxare: —Nagui maqsa' laxahi chaqai nco'machiuec. Ma' mashic ỹovita yi laloqo' quiyim najo ỹale llaalec qoỹaaneu'a na qomyipi hualoxonyipi.

Marcos 14:41

Ca co'na' mashic ỹovi' tres, ca 'naapegalo': —Nagui maqsa' laxahi chaqai nco'machiuec. Mashic nalootañi, ma' mashic ỹovita yi laloqo' quiyim najo ỹale llaalec qoỹaanougui na qomyipi sauaqhuaiquipi.

Marcos 5:5

So'maxare chaqai queetegueri' quiyi na'xa'a chaqai quiyi pe, ỹaualqata'pegue', queeteguelgoto naua quemaralgoto chaqai na napalyipi, chaqai coñirqachitetac na chi loshicmaxa quena qa'.

Deuteronomio 26:12

Ca ma' ỹovire'ogalo caua tres ñaxari quiyim ỹovita qoỹaano añi 'oono'lli' quecaua diez quecá'ogue cá'maq hueeto'ot na qomyipi, ca' quiyim mashic añi 'oono'lli' quecaua diez quená'ogue ná'maq la na qadañicshiqui', ca 'ỹaañitem na llaalqaipi so Leví, chaqai ná'maq ỹoqa'a ca chicqa'gue quená'maq neetauguilo qamiri, chaqai na na'pelyipi, chaqai ana pa'ỹellipi, qaiyi que'e ná'maq qomyipi ỹalequetauguilo qamiri quecá'ogue cá'maq nisha'a,