Amós 4:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ñi qara'gaxala' ñí'maq ỹo'uet ana qa' ladocai chaqai na nonot, ñi'maxare ỹa'deenaxanaxaneguelo naua na'deenaxaco na qom, ñí'maq ñigui pe nqai'en yi na'xa'a, ñí'maq quelgoto nauá'maq paguec qoỹoqoshi'meguelo quena 'laua, ñi qara'gaxala', ñi'maxare qota'olec sqaica lqalanec, ca' chaqaida dá'maq dajo leenaxat.

Amós 4:13 Iomraidhean Croise

Salmos 139:2

qami' 'yiiñi' ná'ogue ná'maq so'uet; chaqai ñaq qoỹoqo'ta aỹim chaqa'ma' 'yiiñi' da ỹa'deenataxanaxac.

Éxodo 10:22

Ca' so Moisés ỹachaxanshiguim da lqai'laxat quena piguim. Ca 'uo' so napalaxa chalego lecaic quiyá'ogue yi Egipto.

Éxodo 14:20

Ca' so lapo naueguelec, ca hueetañigui na lavinñi queso nalliripi nouaataxanaq so Egipto laseripi chaqai queso Israel llaalqaipi. Ca' queso Egipto laseripi, ca napalligui so naueguelec, qam queso Israel llaalqaipi, ca' coỹaretalec. Ca vichiguiño' so Egipto laseripi se ỹovi' so Israel llaalqaipi quesá'ogue so pe.

Isaías 40:12

¿Negue' ca naloqochin ana huaaxai, ỹahote'e ana napoquena, loqo'm ỹa'ue ca lepeetec, ỹahota'ahi naua lenachi' ca lecaachiguiñi na piguim? ¿Negue' ca ỹo'ueeto' aca laloqojnaxaqui ná'ogue na lamoxoỹaxa na 'laua, loqo'm isallaxat ana quemaralec chaqai ana qa' ỹahote'e lesallaqataxanaxaqui?

Isaías 45:7

Ỹim so'uet quiyim re'qoochiguiñi chaqai na napalaxa, so'uet na na'maxa chaqai na ne'xoric. Ỹim ná'maq ỹim na'gaxala', ná'ogue najo so'uet.

Joel 2:2

Cajo na'xa'a chalego ma'le ca napalaxa; cajo na'xa'a naueguelquetañi chaqai la'alchiguiñi. Ana piñai 'ec na 'xoic nouaataxanaq nalauataxai quelec neuagaxajlec ana qa' ladocai, 'ec na lauaq quena' richiguiñi. Se ỹauanapega qaiuana dajo, chaqai qaica ma' qaiuana quet cá'maq 'nejem dajo.

Amós 8:9

Ñi qara'gaxala' i'taxajñi da la'qaatec quiyim quecajo na'xa'a, ca' polec nqai'en añi ra'aasa queca na'xa'a lavinñi, ca' quecajo ma'le, ca' ỹaatqajam na'xa'a, qam 'xoic ca napalaxa ma'le quena 'laua.

Miqueas 1:3

Ñi qara'gaxala' nenoxonec ma'le quiyí'maq neeta'ñi, ca' nac, nanaquetalec ma'le na lo'lo ana ladocai qaripi.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Juan 2:25

Se ipaquetaque quiyim 'ue ca ra'qaataxanem so'maxare quedá'maq 'neeta ná'maq qomyipi, ma' so'maxare ỹa'den ná'ogue na la'deenataxanaxac na qomyipi.

Juan 3:8

Na nonot quena' npe'taxanshiguim, qam chaqai ỹoiquentac cá'maq reloxoigue; ca 'qa'isaque na lelamaxa, qam sqa 'yiiñi' cá'maq chicqochi'ñi chaqai cá'maq taigue. Ca' chaqaida 'neeta ná'ogue ná'maq ne'xaỹaugui so Espíritu Santo.