Amós 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ỹaatqajam chalego da re'xoriguii na' ñopoxoỹaxachiñi qamiri, 'nejem só'maq selata na'le yi Sodoma chaqai yi Gomorra; ỹaatqajam chaqai 'nejme' qamiri ana poqo quena' chita'gue qanaqajta queca norec, ¡qam qamiri se rapilliua'! Ñi qara'gaxala' i'taxajñi da la'qaatec.

Amós 4:11 Iomraidhean Croise

Isaías 7:4

Ca 'ñiraco' ma'le: Rovichisari'o', qam totaxan ro'daxachirec; se ro'chi'i' chaqai sqai 'miaxachira'alo saua 'ec dos norec lasoqo nichiisashiguim, Rezín chaqai so lauo' sirioipi, chaqai ñi llaalec so Remalías, 'ec ỹaviquetauguilo queda lauele'.

Oseas 11:5

Qam yi'maxare se ỹa'maxaren rapilliua'. Vichiguiño' pila ma'le nqaishin yi Egipto, chaqai qoỹoiquentac ma'le quiyi Asiria.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Amós 4:6

Ca 'eno'm ỹim so'uet quiyim ỹoviro'oto qamiri ca nqopaaxa quenaua'que naua na'aate'; chaqai ỹim so'uet quiyim qaica ca qanoxohi quenaua'que naua ra'aachiri, ¡qam qamiri se rapilliua'! Ñi qara'gaxala' i'taxajñi da la'qaatec.

Hageo 2:17

Ỹim ñopoxoỹaxajñi ná'ogue ná'maq chicqaugui dá'maq na'ñaaqataxaguii, sahote'e na nichigaxanaq chaqai ana qalachi, qam se rapilliỹa aỹim. Ỹim na'gaxala', se'taxajñi da ỹa'qaatec.

Zacarías 3:2

Ca na'le, ca' so lelaatec ñi qara'gaxala' 'naapega só'maq na'ỹaapec: ¡Ñi qara'gaxala' nelaxa qami' ma'le! ¡Ñi qara'gaxala' ñí'maq nqo'ta yi Jerusalén nelaxa qami' ma'le! Ma' najo ỹale 'neetari' aca poqo ỹaviquetaugui qaỹachigoxotaugui ca poqoipi.

Romanos 9:29

Ca 'nejem ma'le dá'maq 'naac na'le so Isaías: Ñí'maq la'gaxala' ná'ogue na piguim laseripi quetqai mesqaico' ca no'ueenaxatañi quena qochaalqaipi, ca vire'ta queta' shinqate' saua na'aate' Sodoma chaqai so Gomorra na' qanopoxoỹaxachiñi.

1 Corintios 3:15

Qam no'm ỹavic cá'maq lo'xonaxanaxat, ca quiyi, ca na'laañi cá'ogue ca lo'ueenataxanaxac. Qam ca'maxare nca'leuec 'ec ca qohit queca norec.

2 Pedro 2:6

Ñi qota'a qai'neeta ỹa'ue da nouaxanaxasete' saua dos na'aate' Sodoma chaqai Gomorra, copata'alo nasoochiriñi nqai'ne', vire'ta quiyim sá'ogue lo nqai'en. Ma' ỹahotaque laloqojnaxanaxat quená'maq qomyipi hualoxonyipi quená'maq no'ueenalec ma'le na 'laua.

Judas 1:23

Nca'laxachiuec, coñiỹa'pegue' quiyi taatañigui ca norec sham ỹavic. Chaqai 'xoriñii ná'maq liỹaripi, qam richilliỹaño', raqaiquia'guita naua loho, ma' qai'neeta ỹovirauguilo dá'maq se no'uen no'ueenataxac na'maxare.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.