Amós 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Na'xaỹaxañiỹa dajo, qamiri 'aallipi 'deenaxanqachaqaipi nesallaxanaipi, aná'maq paguec loyac quiyi Samaria, aná'maq pataxañi na 'xoraic chaqai se ỹaqamaxat ná'maq 'ue na louenaxanaxa, aná'maq ila' na louaaripi quiyim idaanaque ca ne'taxat lataxa.

Amós 4:1 Iomraidhean Croise

Salmos 22:12

Na ñpa'guenaxauaripi yahiquinchiguiñi 'ec toorollipi, 'ec na nocqaic toorollipi quiyi 'laua Basán;

Eclesiastés 4:1

Ca lotqai sa'ajan dá'maq 'neetari' ná'maq pataqatañi na qom quena 'laua. Ca' seuana quiyim ná'maq qaipataqatañi noỹentagui, qam qaica cá'maq lo'daxachigui lauel; ỹaatqajam 'ue da lqa'viic ná'maq pataxasoxontac, qam qaica cá'maq lo'daxachigui lauel.

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

Isaías 5:8

¡'Xoraiqolqa qamiri, ma' se neme shiujnaxañitaque naua ra'aachiri, chaqai 'xoic na na'lauahi, vire'ta ma' qaica ca na'ñi na liỹa qom, ca 'ec qaqamita nqai'ñii ñiitalec na 'laua!

Isaías 58:6

Qam mesqaida. Ma' cá'maq qopaaqataxac yqo'ta 'neetasa': quiyim qaỹachipiaxate' daua lequeete' da se no'uen chaqai qaỹosoguilo naua motel naua nequeetenaxanaxat ỹauego; chaqai quiyim qoỹaxanec ná'maq 'xoic na le'xoric chaqai 'xañiriñi ná'ogue ná'maq chicqaugui da nqa'viic;

Jeremías 7:6

no'm sqai hualaxaiñiỹari' chiitegueñi na ỹoqa'a na chicqa'gue, na na'pelyipi chaqai ana pa'ỹellipi, chaqai no'm sqai lauachii na qom qaica ca lasauaxaset quenajo, chaqai no'm sqai 'yiỹoto naua re'cootallii ná'maq ỹoqa'a qota'olqaipi, ma' chaqaina ná'maq 'em nqa'viiñiteguelta',

Ezequiel 18:12

quiyim pataxañi ca 'xoraic chaqai cá'maq 'ue ca louenaxanaxa, chaqai rocachot na liỹaripi, chaqai se ỹopilaxat ca louenec cá'maq 'ue aca la'uale, chaqai 'ue da lpi'ỹaxac quena qohinac qota'olqaipi chaqai ỹo'ueetetac ná'maq se yqo'ta,

Ezequiel 34:16

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Amós 3:1

Qamiri llaalqaipi so Israel, ñaq na'xaỹaxañiỹa da la'qaatec ñi qara'gaxala' quenajo qomyipi naqata'a na'le quiyi Egipto, ñi'maxare 'naac:

Amós 3:3

Ca lotqai 'naac so Amós: No'm 'vii caua dos nauequetecta', ca' caua'maxare na'deene'ejta';

Amós 6:1

¡'Xoraicolec ná'maq chaqai 'na'guesa' da nachaalataxac quiyi Sión! ¡'Xoraicolec ná'maq 'neetapigui lauel qaica ca qohinegue yi Samaria, ná'maq lashillipi yí'maq 'laua paguec da lemaqachic, ná'maq i'guena na llaalqaipi so Israel!

Amós 6:6

Late'ogue' ana ne'taxaguii quena' ni'chi quena lataxa, viñitac ná'maq no'uen coraxat lo'daxaraic lahita, ¡chaqai 'ec qaica nqai'negue nqai'ñii dá'maq qohinta'gue quiyim qanopoxoỹaxajñi na na'lauahi!

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Números 21:33

Ime, ca' pil so Israel llaalqaipi, ta'tegue da pa'ỹa'gue yi Bazán, qam so Og só'maq nashi neeta'ñi yi'maxare naqta'guit, liỹaatac sá'ogue so nalliripi, ỹahotaque nalauate'e' so'maxare quiyi Edrei.

Deuteronomio 24:14

'Neeto' quiyim 'ec nouoritac ca 'xoraic, chaqai mesqai qaua' shivichiñii ca laseuete ca lo'ueenataxanaxac, quiyim chi qauori le'ec, loqo'm quiyim ỹoqa'a ca chicqa'gue ra'aayaxauahi queca na'a' ñiita'ñi.