Amós 3:9 - La'qaatqa ñi qota'olec Qota'olec & Qota'olec Novita Na Qomyipi

⁹ Vii da la'xaỹaxac na nashillipi quena 'imqaipi leta'allipi quiyi na'a' Asdod chaqai quena 'imqaipi quiyi 'laua Egipto, 'ñiỹac: Naguipegue' ana qa' ladocaipi quena Samaria; ñaqai 'ajñii ná'maq se no'uen 'ue quiyi'maxare chaqai da nqa'viic 'ue quiyi'maxare.

Amós 3:9 Iomraidhean Croise

2 Samuel 1:20

Totaxan 'xachiỹo' quena neeta'ñi yi Gat, chaqai sqai 'xachitac quiyim quiita'guelo naua nayico quiyi Ascalón, qaiyi se netoon na 'aallipi filisteaipi, qaiyi se nenojshiguim queda netoonaxac na 'aallipi quená'maq npa'guenaxauaripi ñi qota'olec.

Proverbios 1:13

Ỹaleque'ejta' ma'le ca qaresallaxa, ¡ño'xataxataxaguilo ma'le naua qouoto' quená'ogue ná'maq qarocataxat!

Eclesiastés 4:1

Ca lotqai sa'ajan dá'maq 'neetari' ná'maq pataqatañi na qom quena 'laua. Ca' seuana quiyim ná'maq qaipataqatañi noỹentagui, qam qaica cá'maq lo'daxachigui lauel; ỹaatqajam 'ue da lqa'viic ná'maq pataxasoxontac, qam qaica cá'maq lo'daxachigui lauel.

Jeremías 31:5

Liỹa danaxan cana 'uva quenaua quemaralgoto quiyi Samaria, chaqai ná'maq danaxan, ca ỹa'ic ná'maq chaqai lanecsec.

Amós 1:8

Ñopoxoỹaxajñi ma'le cá'maq nashi quiyi na'a' Asdod chaqai cá'maq ỹoiquentac yi na'a' Ascalón. Ca ma'le, ca' ¡somatalec da iquesaxanaxa yi na'a' Ecrón, ca vire'ta ca co'uaataxanaxaỹom quena filisteoipi ileu ma'le! Dajo 'naac ñi qara'gaxala'.

Amós 4:1

Na'xaỹaxañiỹa dajo, qamiri 'aallipi 'deenaxanqachaqaipi nesallaxanaipi, aná'maq paguec loyac quiyi Samaria, aná'maq pataxañi na 'xoraic chaqai se ỹaqamaxat ná'maq 'ue na louenaxanaxa, aná'maq ila' na louaaripi quiyim idaanaque ca ne'taxat lataxa.

Amós 6:1

¡'Xoraicolec ná'maq chaqai 'na'guesa' da nachaalataxac quiyi Sión! ¡'Xoraicolec ná'maq 'neetapigui lauel qaica ca qohinegue yi Samaria, ná'maq lashillipi yí'maq 'laua paguec da lemaqachic, ná'maq i'guena na llaalqaipi so Israel!

Amós 6:3

Qamiri sqai 'maxariñii 'yiiñitaque ca na'xa'a se no'uen, qam naviguiho dá'maq quiyim se qaỹa'maxata'guelo qamiri.

Amós 8:6

¡Ñqo'naxataxauec ca le'xoric na 'xoraiquipi, vire'to' ma' ỹovita quiyim chi nemeenalta' quiyim qara'ac quiyim ishiueten aca la'uale, 'eno'm qaicauate' caua nepelate' la'ualqa! ¡Ca' semeenaq ma'le vire'ta na se no'uen trigo!