Amós 3:2 - La'qaatqa ñi qota'olec Qota'olec & Qota'olec Novita Na Qomyipi

² Qaqamita qamiri ñca'au'alo quená'ogue na qomyipi quena 'laua. Vichiguiño' sa'ue da nouaxanaxashichii quená'ogue ná'maq 'viichitac se no'uen.

Amós 3:2 Iomraidhean Croise

Génesis 10:32

Ca' ná'ogue najo ná'maq llaalqaipi sauá'maq llaalqa so Noé, ná'ogue ỹaatqajam neuo' laseripi, qam ỹaatqate' nauá'maq chi la'aate'. Co'na' mashic ime'uegue so nqodoc, ca' neuagaxajlec na 'laua, ca' ỹaatqate' nauá'maq chi la'aate'.

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Éxodo 32:34

Ca' qami' qui', viquita na qomyipi yí'maq shiquetapi'ñi. Ca' so ilaatec piguim le'ec ỹashaxantac qami' ma'le. Ca ma' noviro ca na'xa'a quiyim sa'ue ca nouaxanaxaset, ca ỹim sa'ue ma'le ca nouaxanaxaset cá'maq 'ue ca lasauaxaset.

Isaías 63:19

Qomi' shinqatari' quiyim 'ec se ỹauanapega qaratoiquiñi'sac, mashic 'eco' se ỹauanapega sa'xatqatac da qadeenaxachi'.

Jeremías 1:15

Ỹim na'gaxala' se'taxajñi quiyim llic nqaishin dajo: quiyim soỹaxana ma'le ná'ogue na ỹoreta'oguit qomyipi na'gue da rapiguim. Ca' nanac ma'le na lashillipi, ca illa'ñi na nqa'xanaxaquiripi ñi lasom ñigo quena Jerusalén, hueeto'ot nqaishin yí'maq lquepaqataxanaxat ỹapootau'a chaqai quenaua'que naua na'aate' quiyi 'laua Judá.

Jeremías 14:10

Ñi qara'gaxala' 'neetasa' da la'qaatec, taỹaugui na llaalqaipi so Israel: Najo qomyipi nemeeten quena taaguilo. Vichiguiño' se yqo'ta. Nagui, ca ño'uenegue na lasauaxaseteripi, ca' so'uet ca nouaxanaxaset na'maxare.

Oseas 2:13

Sa'ue ma'le da nouaxanaxaset quesá'ogue so 'auaxaic na'xataripi na' ỹahotaque na lichiinaxanaxat quena lashiilqaipi, na' ỹa'ue na no'ueetaxat lichicshaqate chaqai ana lqola, ma' ỹahotaque queeta'pegue' ná'maq nqo'ta añi'maxare, ca' coua'e aỹim. Ỹim na'gaxala', se'taxajñi da ỹa'qaatec.

Amós 2:4

Ca 'neetasa' da la'qaatec ñi qara'gaxala': Yi qomyipi naalec yi 'laua Judá ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' liỹoqa'piguita naua lapaxaguinataxanaxaco ñi qara'gaxala', chaqai se na'xaỹaxanalo naua laqataxaco, ta'ta'a quiyim queetalec nqouagaxaintacot na lashiilqaipi lqolaquipi so 'auaxaic leta'allipi na'le.

Amós 3:3

Ca lotqai 'naac so Amós: No'm 'vii caua dos nauequetecta', ca' caua'maxare na'deene'ejta';

Amós 6:1

¡'Xoraicolec ná'maq chaqai 'na'guesa' da nachaalataxac quiyi Sión! ¡'Xoraicolec ná'maq 'neetapigui lauel qaica ca qohinegue yi Samaria, ná'maq lashillipi yí'maq 'laua paguec da lemaqachic, ná'maq i'guena na llaalqaipi so Israel!

Miqueas 2:3

Vichiguiño' 'naac ñi qara'gaxala': Ỹim liỹa 'ue dá'maq sham shine'teguelo qamiri. Selatalo qamiri ma'le ca ne'xoric lodegaxat cá'maq sqai ỹite' ma'le naua rqosoochiri, ca' tot qaica ma'le da nemaqajnaxaguii quiyi huoitegueri', ma' chalego la'aaqa' ma'le naua na'xata'.

Hechos 17:26

Ỹachigoxochichigui so 'oonoqui' qom na' ỹo'uet ná'ogue na ỹoreta'oguit qomyipi, qaiyi naalec ná'ogue na 'laua, ỹa'vii naua la'aate', qam ỹa'vii naua laloqote' naua neetalgoto,

Romanos 2:9

'Ue ma'le ca le'xoric chaqai ca lachitachic ná'ogue ná'maq ỹo'ueetetac na se no'uen, 'au ma'le na judioipi chaqai qai'neeta na sqai judioipi.

1 Corintios 8:3

Qam cá'maq nqo'ta ñi qota'a, ca' ñi qota'a ỹa'deenta ca'maxare.

Deuteronomio 7:6

Ma' qamiri ỹaatqajam qaỹoỹooterec, qaiyi ỹaatqajam qamiri lalamaxarete' ñi qara'gaxala' qota'olec caqamiri. Ñi qara'gaxala' qamiri lca'acse' quená'ogue na qomyipi hueetalec na 'laua, qaiyi ỹaatqajam qamiri lalamaxarete' ñi'maxare.

1 Pedro 4:17

Ma' mashic ỹovita yi laloqo' quiyim qaimit na lalamaxareteripi llaalqaipi ñi qota'a. Chaqai no'm dá'maq nimiitaxanaxac ỹovirouguilo qomi', ¿negue' cá'maq 'neeto' ma'le ca lqodoc ná'maq se na'xaỹaxana da la'qaatec ñi qota'a?