Amós 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Pataxañi chaqai nemanachit nqai'en na 'xoraiquipi, chaqai se na'xaỹaxana quena' 'ue ca ỹahotaque. Ca leta'a chaqai ca llaalec nouansagui lapaasapi'ñi' aca 'aalo nequetegaxai, ca' queda, ca' iualaxainsac dá'maq chalego lco'taxa da ỹeenaxat.

Amós 2:7 Iomraidhean Croise

2 Samuel 12:14

Qam qami', ma' ỹaatqajam 'ooqochichi' ñi qara'gaxala' quedá'maq 'ñitetegue, ca ñí'maq dalaxaic ne'qaañi qachaalqui', ñi'maxare ileu ma'le.

1 Reyes 21:4

Ca' so Acab queuo queca la'a' rachicotam chaqai se ỹa'maxagui na lauel sauaxat dá'maq 'naac so Nabot, ma' so'maxare 'naac quiyim sqai ỹaan só'maq qano'ueenaqta'guit quesaua leta'al. Ca co'na' ỹoviro, ca' nenanñi, reloqoto'ot ca 'imec lahi, chaqai se que'e.

Isaías 10:1

¡'Xoraiqolqa qamiri, ma' 'viichiñi na naqataxac se no'uen chaqai 'chiiñi na nelaataxanaxac se qanalo'guit,

Isaías 10:2

ma' 'viichii quiyim se qana'xaỹaxana ná'maq sqaicanqaiyi, chaqai se quelolliguit ná'maq 'xoraiquipi quena ỹalamaxareteripi, chaqai nouoretac ana pa'ỹellipi chaqai rocachot na na'pelyipi!

Ezequiel 36:20

Qam quená'ogue ná'maq na'aateripi quená'maq ỹovira'a yi'maxare, ỹo'maqajantac da co'teeta ỹeenaxat, ma' na qomyipi 'naiquen: Najo ná'maq lalamaxaret ñi na'gaxala' qota'olec, qam ca'o' na'le yi na'laua.

Amós 4:1

Na'xaỹaxañiỹa dajo, qamiri 'aallipi 'deenaxanqachaqaipi nesallaxanaipi, aná'maq paguec loyac quiyi Samaria, aná'maq pataxañi na 'xoraic chaqai se ỹaqamaxat ná'maq 'ue na louenaxanaxa, aná'maq ila' na louaaripi quiyim idaanaque ca ne'taxat lataxa.

Amós 8:4

Ñaq na'xaỹaxañiỹa dajo qamiri, ma' qamiri nauá'maq pataxaiñi quen na 'xoraiquipi chaqai viitaque palaxachiỹac ná'maq qaica nqaiyi quena 'laua.

Miqueas 2:2

Quena' 'ue yi nqo'teu'a 'laua, ca rouootaxana'gue; chaqai quena' 'ue na nqo'teu'a 'imec, ca' rocacha. Pataxañi na qomyipi, chaqai na llaalqaipi chaqai na lalamaxaret louenqaipi.

Miqueas 2:9

O'yiỹauec na 'aallipi quenauá'maq lauochaqate' lomaate' chaqai tot qaica ma' liỹa quiyim 'viichii dá'maq lemaqachic saanem na llaalqaipioqui'.

Romanos 2:24

Chaxaso' naua naneresañi la'qaatqa ñi qota'a 'neracsa': “Na sqai judioipi se no'uen da ỹa'xat quiñi qota'olec, sauaxate' qamiri.”

1 Corintios 5:1

Mashic shi'gue qaỹa'den quiyim 'ue ca 'óna caqamiri o'ñiguit aca la'uale late'e. Dajo no'naxac ỹaatqajam chalego la'aaxa. Ma' vire'ta ná'maq se iuanapega ñi qota'a se ishit ỹo'uet dajo.