Amós 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Dajo dá'maq la'qaatec na'le so Amós. So'maxare icoñiguit chicqo'ot ñi qota'olec quedá'maq 'neeta yi Israel, na' saqa'lecaua dos ñaxari quiyim novi' so quiyim i'loxol na 'laua, na' ñaqai neetaho quiyim nashi so Uzías quiyi 'laua Judá, chaqai so llaalec so Joás, leenaxat Jeroboam, nashi quiyi 'laua Israel.

Amós 1:1 Iomraidhean Croise

1 Reyes 19:19

Ca' so Elías eec, ca iuanejlco' so Eliseo rasaugaxantac, ỹa'queetalec so veinticuatro ñii'lolaipi, ca' chaqaiso so'maxare ỹashaxantac sauá'maq co'uaataxante'. Ca' so Elías ỹalamaxateta'a so Eliseo, ca' ipeguenlec so lapo'.

Éxodo 3:1

So Moisés reloqoto'o' quen aso lalo qagreta so niỹoqo' Jetro, da liỹa leenaxat Reuel, só'maq letaxaỹaxanqajnec na neeta'ñi yi Madián quena' qaretaxaỹa'pegue' na nenatqaipi. Ca 'uo' so na'xa'a, ca' so Moisés ỹo'degue aso qagreta yi 'laua qaica qom, ca ỹoviraqteta'a aso qa' ladocai Horeb, da liỹa leenaxat Sinaí, asó'maq lalamaxarete ñi qota'olec.

Isaías 1:1

Najo lere, lerecse so Isaías, llaalec so Amoz, chicqochigui so leuanaxanaxac chicqo'ot ñi qota'olec, taỹaugui yi Judá chaqai yi Jerusalén quesaua ñaxari na' nashil saua Uzías, Jotam, Acaz chaqai so Ezequías quiyi Judá. 'Naaco':

Jeremías 1:1

Najo lere hueetalec da la'qaataxanaxac chaqai da lo'ueenataxanaxac so llaalec so Hilcías, leenaxat Jeremías. So'maxare chigoxougui na netaxaỹaxanqajanqaipi quena' qaretaxaỹa'pegue' ñi qota'olec neeta'ñi yi na'a' Anatot quiyi na'laua so llaalqaipi so Benjamín.

Jeremías 28:8

'Ue so 'auaxaic netaxaỹaxaquiripi, na' saqa' ñi'xaỹoxosoxoñi, ỹa'xateta'guit so lauataq, so ne'xoric chaqai so ne'ne', taỹalec so 'xoic qomyipi chaqai so nashillipi quesaxanaxaiquipi.

Oseas 1:1

Dajo dá'maq la'qaatec ñi qara'gaxala' ỹalamaxachichigui so Oseas, só'maq llaalec so Beeri, queso ñaxaripi na' nashillipi saua Uzías, Jotam, Acaz chaqai so Ezequías, saua'maxare nashillipi na'le quiyi Judá, chaqai so llaalec so Joás, leenaxat Jeroboam, nashi na'le quiyi Israel.

Amós 7:14

Qam so Amós 'naaco': —Mesqaỹim netaxaỹaxaqui chaqai se sahotaque quiyim ỹim netaxaỹaxaqui. Ma' ỹim sque'eetapigui dá'maq quiyim seloqota'a ana qagreta chaqai llapoontac ana 'igo neuec,

Miqueas 1:1

Dajo dá'maq la'qaatec ñi qota'olec ỹilenegue quiyim ỹa'xat so Miqueas só'maq na'ñi yi Moreset, chaqai ỹa'deenaxanaxanegue da leuanaxanaxac quedá'maq 'neete' ma'le yaua Samaria chaqai yi Jerusalén, na' ñaqai neesaho quiyim nashil quiyi Judá saua Jotam, Acaz chaqai so Ezequías.

Zacarías 14:5

Ca' qamiri 'iichii ma'le 'guiñihe'oga ma'le so ca'megue quiichicñigui na lavinñi ada qa' ladocai, ca' viitañigui na lavinñi ma'le daua qari ladocahi, ca so'maxare ỹovira'a ma'le yi Azal, ca' queda lahi quii'tegue. Ma' 'iichii qamiri 'nejem quesom na' 'eete' saua 'auaxaqa qata'allii na' i'loxol na 'laua só'maq viichigui na' neetaho quiyim nashi so Uzías ỹoiquentac yi Judá. Ca nanac ma'le ñi na'gaxala' ñí'maq qota'olec caỹim, nauequeta'pegue' ná'ogue ná'maq na'xaỹaxanta.

Mateo 4:18

Ca' so Jesús ỹouootegueri', queeto'ot na lahi aso latogot late'ogue' quiyi Galilea. Ca co'na' iuane'talo saua dos nqaỹa', so 'óna dos leenqate' Simón Pedro, ca' so liỹa leenaxat Andrés. Saua'maxare inaqasegueñi so laleguegue', ma' qoinaxanaxaqa saua'maxare quena nallin.

1 Corintios 1:27

Qaidaata quiyim ñi qota'olec nca'au'a ná'maq qohinac qaica ca ỹa'den, ma' ỹahotaque ỹayilqochit na 'deenaxanqachaqaiquipi. Chaqai nca'au'a na qohinac qaica ca lquesaxanaxa, ma' ỹahotaque nayiloxoñigui lauel nqai'en na quesaxanaxaiquipi.