3 Juan 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ma' na'maxare queetalec da llicyaxac ro'ueenataxantacot so Jesucristo, ca' sqaca aca icoñiguit caná'maq lotaanaxanqate ná'maq se iuanapega ñi qota'a.

3 Juan 1:7 Iomraidhean Croise

Juan 15:21

Dá'ogue dajo qohine'teguelo ma'le qamiri, sauaxat aỹim, ma' se qaiuanapega ñí'maq yila'.

Hechos 20:33

Se ñaquita'a aca lam chaqai ca looỹac canchaqaica qom,

Hechos 20:35

'Eda da chaqai'en ỹapaxaguinataxanaxac caqamiri quiyim 'ueenataxañii chaqai tauañii na 'ue ca louenaxanaxa. Sqai 'laxachii da la'qaatec so qara'gaxala' Jesús, na' 'naac: “Paguec la'maxa quecá'maq rachitaxanataxan, quecá'maq 'ue ca icoñiguit.”

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

Hechos 8:4

Qam ná'maq mashic qaỹo'daauec quiyi Jerusalén, ỹa'xatesaco' quen da na'qaatec chicqaugui da nca'laxa quecanchaqa tátegue.

Hechos 9:16

Ỹim sachaxanem ma'le ñi'maxare quiyim ỹovirau'a 'xoic ca le'xoric souetapigui aỹim.

1 Corintios 9:18

Ca' chaqaida da ñishiue' dá'maq ñitoonaxac quiyim sa'xatetac da na'qaatec chicqaugui da nca'laxa, se sahotaque aca ñishiuete. Dá'maq 'neeta quiyim mesqai shiqueteguelec da ñilaataxac quiyim sque'eetapigui da quiyim aỹim na'qaataxanqajnec.

2 Corintios 12:13

Ma' mesqaida quet quiyim se ñaloqojñiuo quet quená'maq liỹaripi shi'gue icoñiguit da na'qaatec. Qaidaata dá'maq quiyim ỹim qaica ca ñouoretac caqamiri. ¡Qam chi yi'xoriñio' ma'le, ma' shi'ntegue dajo na'le caqamiri!

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

Filipenses 2:9

Ca' vichiguiño' ñi qota'a ỹaanem yí'maq paguec lecaic loma' chaqai da leenaxat paguec lecaic nqai'en quená'ogue,

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

3 Juan 1:8

Vichiguiño' qomi' ñomatqalta' quiyim sotauanaq na'maxare, quiyim sotauanaq queda la'qaataxanaxac quiyim ỹa'xate' da na'qaatec ỹaatqajam lliqueta.

Apocalipsis 2:3

Ỹaatqajam 'ue da reualaxaviqui', chaqai 'xoic da re'xoriqui', chaqai 'xoic da ro'ueenataxanaxaqui' caỹim, qam se rco'chirec.