3 Juan 1:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qami' ñauochaxaua ỹaqaỹa, ỹaatqajam 'maxaraic dá'maq 'ñiisari' quiyim quelollita na qarqaỹaripi, qam paguec la'maxa quená'maq ỹoqa'a ca chicqa'gue.

3 Juan 1:5 Iomraidhean Croise

Mateo 24:45

¿Nega'ỹo' cá'maq nelaatec qamaxaraic chaqai 'deenaxanqachaqaic, cá'maq reloxoỹa'a nqai'en sá'ogue so la'a' ca na'co' quiyim qui'ỹaxanac quiyim ỹovita ca laloqo'?

Mateo 25:16

Só'maq nelaatec icoñiguit aso cinco mil, ca so'maxare ro'ueenataxañigui. Ca' sojo nam ỹovi' cinco mil aso liỹa lauegue.

Lucas 12:42

Ca' so qara'gaxala' 'naaco': —¿Ca nega'ỹo' ca 'nejem ca nelaatec qamaxaraic chaqai 'deenaxanqachaqaic quecá'maq ca na'co' pataxalec cá'ogue ca louenec queca la'a' quiyim qui'ỹaxanataxan ma' ỹovirelec ca laloqo'?

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Romanos 12:13

Tauañii ná'maq mashic icoñiguit da na'qaatec quecanchaqaica ỹouentaque, chaqai ỹaatqajam daañii'chiguit quelolliỹa cá'maq na'piichaxahi.

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

3 Juan 1:10

Ca' vichiguiño' no'm shic, ca' ño'lashiguim da'maxare quedá'maq 'neetari' ỹa'xatetac na la'axaic chaqai na'majanteguelgoto qomi'. Qam se ỹa'maxagui lauel quedajo, ma' qai'neeta se icoñiguit ná'maq qarqaỹaripi ỹoviretapego. Chaqai ná'maq ỹahotaque icoñiguit na'maxare, ca se ỹa'maxaren. Ca' se ỹasenem chaqai ỹo'daauec ca'e nqai'en ná'maq mashic icoñiguit da na'qaatec.

3 Juan 1:3

Ma' 'xoic da ñitoonaxac na' 'vii saua qarqaỹa' novite', na' ỹa'xatesapiguim dá'maq raqamaxa'e', ma' ỹaatqajam qui'salec da na'qaatec lliqueta.