3 Juan 1:2 - La'qaatqa ñi qota'olec Qota'olec & Qota'olec Novita Na Qomyipi

² Qami' ñauochaxaua ỹaqaỹa, queda ñqouagaxainaxac sahotaque quiyim 'maxaraic ná'ogue ná'maq 'viichisac, chaqai quiyim qaicanqaida queda nachaalataxaqui', quiyim 'nejem dá'maq 'maxaraic no'ueenataxaqui'.

3 Juan 1:2 Iomraidhean Croise

Mateo 9:12

Ca' so Jesús co'na' 'xaỹa dajo, ca 'naaco': —Ná'maq no'uenta se ỹouen ca natarenataxanaq, ta'ta'a ná'maq 'ue na ralolaxa.

Filipenses 2:27

Qam llic ralola na'le, ca' mashic sham ileu. Qam ñi qota'a nqouaguegue na'le so'maxare. Qam mesqaiñiita ñi'maxare, ma' qai'neeta nqouaguegue aỹim, qaiyi sqai paguec ca ỹachicoxo quedá'maq shi'gue ỹachicoxo.

Filipenses 2:4

Chaqai qaica cá'maq chi nodaata'pegue' quet idaantaque cá'maq chi la'maxa. Ta'ta'a quiyim ỹahotaque quiyim ỹa'maxañi qai'neeta ca liỹa.

2 Tesalonicenses 1:3

Qamiri qarqaỹa', qomi' se neme saanqatacot da qana'aachic ñi qota'a caqamiri. Dá'maq 'maxaraic shinqata'gue caqamiri, ma' noquiiquetauec da rpi'ỹaxaguii chaqai nqo'neetauec quiyim ne'xoriñiỹata'.

2 Tesalonicenses 2:13

Qam qomi' se neme quiyim saanqatecshiguim qana'aachic quiñi qota'a caqamiri, ma' qamiri qanauochaxaua' qarqaỹa' queso qara'gaxala'. Ma' ñi qota'a nca'au'alo qamiri na' ñaqa 'avichiguiñi, qaiyi rca'lliuec. Qam dajo nca'laxa chicqo'ot so Espíritu Santo só'maq 'em quiyim qamiri lalamqate' ñi qota'a, chaqai chicqochigui nqai'en dá'maq ỹaatqajam llic na'qaatec dá'maq viilec.

Santiago 5:12

Qam quená'ogue najo, qamiri ỹaqaỹa', 'neeto' quiyim 'ue ca ỹaanec da la'qaatec quiyim chicqo'ot na piguim ca nouaxanaxaset, loqo'm quena 'laua, loqo'm quecanchaqaica liỹa, quiyim 'ue ca ỹa'xat. Ta'ta'a quiyim saachii ca 'oonoqui' ca rasaataxaguii. No'm 'ñiỹac “Ajá'a”, ca' chaqaida nqai'ñii. Chaqai no'm 'ñiỹac “'E'”, ca' chaqaida nqai'ñii, qaiyi se ỹo'uet ca rasauaxashichii ñi qota'a.

1 Pedro 4:8

Qam quená'ogue ỹaatqajam ne'xoriñiỹata' qamiri, ma' da ne'xorenataxanaxa 'xoic na nasauaxaset ỹapalaxat.

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.

3 Juan 1:1

Ỹim, mashic aỹim ñauapec na'gaxala', selata qami' ana ỹerecse, ma' qami' ñauochaxaua Gayo, ma' ỹaatqajam llic qami' ỹoqo'itaxat.

Apocalipsis 2:9

Ỹim sa'den ná'ogue ná'maq 'viichisac. Seuana dá'maq ne'guenaxaqui' chaqai da re'xoriqui', 'eno'm ỹaatqajam llic qami' nesallaxanec. Chaqai sa'den ná'maq se no'uen na'qaatqaipi qohinac caqami' quená'maq 'naac judío laseripi, qam sqai llic. Ta'ta'a quiyim loiquenatqaipi so na'ỹaapec.