3 Juan 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qami' ñauochaxaua ỹaqaỹa, 'neeto' lotqai quire'uegue da se no'uen 'ueenataxac. Ta'ta'a dá'maq ỹaatqajam no'uen. Cá'maq ỹo'uet ca ỹa'maqachiguiñi, ca'maxare lalamaxaret ñi qota'a, qam cá'maq ỹo'uet ca se no'uen, ca' se iuana ñi qota'a.

3 Juan 1:11 Iomraidhean Croise

Éxodo 23:2

Chaqai sqo quire'uegue ca 'xoic qomyipi ỹahotaque que'uegue cá'maq se no'uen. Ca quiyim ỹovita 'xachi' ca na'qaataxanaxac, ca 'neeto' qoshi'relec cá'maq retañi' quiyim sqai llic, 'eno'm ca 'xoic qomyipi llic nqai'en.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 3:20

Ma' ná'ogue ná'maq ỹo'ueetetac na se no'uen ỹaatqajam loquiiaxat so ncoỹeraxanaxat, chaqai se nqo'neu'a so'maxare, qaiyi se re'xoi' naua se no'viiñi ỹo'ueeteta'pe.

1 Corintios 11:1

Ca' qamiri yadenaxachii, quiitalec ma'le aỹim, ma' aỹim shiqueta'pegue' so Cristo.

1 Corintios 4:16

Ca vichiguiño' ñi'xoresentouguilo qamiri quiyim quiitalec da ỹicyaxac.

Efesios 5:1

Ma' mashic qamiri llaalqa ñi qota'a, ca' ỹaatqajam nquipichiỹa'pegue' quiyim 'ñiita ñi'maxare.

Filipenses 3:17

Qamiri ỹaqaỹa', denaxachii da no'uen ỹicyaxac, chaqai ỹaatqajam 'ajñita ná'maq que'tegue dá'maq no'uen qoyicyaxac dá'maq sapaxaguinaxaque qamiri na'le.

1 Tesalonicenses 1:6

Ca' qamiri quedá'maq 'ñiita ỹaatqajam quiijlec da qano'ueenataxac chaqai da no'ueenataxac so qara'gaxala' Jesús na' coñiguit da na'qaatec, ca' so Espíritu Santo ỹaanema qamiri da netoonaxaguii, 'eno'm 'xoic da re'xoriguii.

1 Tesalonicenses 2:14

Qamiri ỹaqaỹa', na' qaỹocanta'pe chaqai se qaỹa'maxata'que qamiri quená'maq chi qauori laseripi, dá'maq qohine'tegue qamiri chaqaida dá'maq qohine'tegue ná'maq queeta'pegue' ñi qota'a na'ñi yi Judea ná'maq huelec so Cristo Jesús. Ca na'maxare qai'neeta 'xoic da nocanaxac, qam dajo nocanaxac chicqaugui na chi lauo' laseripi judioipi.

2 Timoteo 3:10

Qam qami' mashic 'yiiñite' dá'maq ỹapaxaguinataxanaxac, chaqai quedá'maq ỹa'maqachiguiñi shintari', quedá'maq sahotaque, da ipi'ỹaxac, chaqai da iualaxavic, ỹoqo'iichi, quiyim ña'ñaxachiguit ná'ogue nanchaqaina

Hebreos 6:12

Se sahoqotaque quiyim reualliñi. Ta'ta'a quiyim quiitalec denaxachii só'maq chicqochigui nqai'en da lpi'ỹaxac chaqai da leualaxavic, ca' ỹaconta'piguit dá'maq lalamaxaret ỹachaxantac ñi qota'a.

1 Pedro 3:11

Chaqai noỹootec quená'ogue na se no'uen. Ta'ta'a quiyim ỹo'uet na ỹa'maqachiguiñi, ca' idaanaque ca la'maxa, ca chaqaica queetalec.

1 Pedro 3:13

Ca ¿negue' quet cá'maq ishit ỹo'uet ca se ỹa'maxañi caqamiri, no'm 'viichitac ca ỹa'maqachiguiñi?

1 Juan 2:29

Ma' mashic 'yiiñii quiyim so Jesucristo ỹo'uet ca ỹa'maqachiguiñi, chaqai qai'neeta 'yiiñii quiyim ná'ogue ná'maq ỹo'ueetetac na ỹa'maqachiguiñi ỹaatqajam llaalqaipi ñi qota'a.

1 Juan 3:10

Chaqai qaỹa'den negue' cá'maq ỹaatqajam llaalec ñi qota'a chaqai negue' cá'maq llaalec so na'ỹaapec, ma' canchaqaica quiyim se ỹo'uet ca ỹa'maqachiguiñi, loqo'm quiyim se i'xoren ca lqaỹa, se lalamaxaret ñi qota'a.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.