3 Juan 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' vichiguiño' no'm shic, ca' ño'lashiguim da'maxare quedá'maq 'neetari' ỹa'xatetac na la'axaic chaqai na'majanteguelgoto qomi'. Qam se ỹa'maxagui lauel quedajo, ma' qai'neeta se icoñiguit ná'maq qarqaỹaripi ỹoviretapego. Chaqai ná'maq ỹahotaque icoñiguit na'maxare, ca se ỹa'maxaren. Ca' se ỹasenem chaqai ỹo'daauec ca'e nqai'en ná'maq mashic icoñiguit da na'qaatec.

3 Juan 1:10 Iomraidhean Croise

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Juan 9:22

Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui.

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

2 Corintios 13:2

Qam quená'maq shi'gue 'ue na lasauaxaset, chaqai quená'ogue na liỹaripi, nagui ma' ñaq qoỹoqo'ta ỹim, ca lotqai sopilalec da ỹaqataxac, 'nejem dá'maq shi'ntegue na' co'uaataxanaxaic salequetauguilo qamiri. Ca' nagui saho'te da ra'xaỹaxaguii: quiyim ma' sovitalo qamiri, ca' tot qaica quiyim 'ue quet ca liỹa se'xoren.

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

1 Timoteo 5:13

Vireta'a quiyim queetaguilo naua 'imqa, ca ỹovireta'a quiyim hualai. Chaqai mesqaidaata quiyim hualai, qam qai'neeta la'axaqa lo'o', chaqai nishitaxai, chaqai ỹa'xateta'pe nauá'maq tot ỹa'machiñi.

2 Juan 1:10

No'm 'ue ca ỹovitalo qamiri, qam no'm se ỹodootauo dajo napaxaguinataxanaxac, ca' sqai coñiguit queca ra'aari chaqai se niquiñi'e'.

2 Juan 1:12

'Xoic quet ná'maq ỹa'qaatec caqamiri. Qam se sa'maxaren quiyim sahote'e aca lere ỹerecse, ca' selatalo qamiri. Ma' sahotaque sovira'alo qamiri, qaiyi ỹaatqajam setaxaiqa'ajta', qaiyi ỹaatqajam ỹovirichiguiñi ca qanetoonaxac.

3 Juan 1:3

Ma' 'xoic da ñitoonaxac na' 'vii saua qarqaỹa' novite', na' ỹa'xatesapiguim dá'maq raqamaxa'e', ma' ỹaatqajam qui'salec da na'qaatec lliqueta.

3 Juan 1:5

Qami' ñauochaxaua ỹaqaỹa, ỹaatqajam 'maxaraic dá'maq 'ñiisari' quiyim quelollita na qarqaỹaripi, qam paguec la'maxa quená'maq ỹoqa'a ca chicqa'gue.