2 Samuel 7:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' qami' ỹa'gaxala' qaica ca rqalanqui', ya'deenaxanaxañitegue chaqai 'taxachiriñi da ỹo'ueenataxanaxac quiyim ỹim nashi chaqai quena ỹaalqaipi, vichiguiño' ỹim 'eno'm ỹim relaachiqui', qam saanot qami' da ñi'xoresenaxac.

2 Samuel 7:27 Iomraidhean Croise

2 Samuel 7:11

na' sanñi na nashillipi quiyim la'gaxala' na ỹalamaxareteripi llaalqaipi so Israel. Ỹim so'uet quiyim qaicanqaida ma'le quena npa'guenaxaua'e'. Chaqai sa'deenaxanaxanegue qami' quiyim sa'ue ma'le ca qachaalaxai'ipi.

2 Samuel 7:13

Ca' ca'maxare chaqaica cá'maq no'xonshiguim ma'le ca iuo' ca huaugui quiyim qanqouagaxainot aỹim ma'le. Ca' ỹim se'taxajñi quiyim sqaica lqodoc nashi ca'maxare ma'le.

1 Reyes 11:38

Ca no'm na'xaỹaxañite' quená'ogue ná'maq selachiraxalec, chaqai 'maxachichiriñi cá'maq ro'ueenataxanaxaqui' caỹim, chaqai quiyim ipaquichigui nqai'ñi' na ỹaqataxaquipi, na ilaataxanaxaquipi, 'nejem nqai'ñi' dá'maq 'ne'tegue na'le so ilaatec David, ca' qami' iỹaatac, ca' qaica idaxan nqaishin quiyim nashi ma'le ca qachaalaxai'ipi, 'nejem dá'maq shi'ntegue na'le queso David, ca' saanem qami' ma'le quiyim loqoira'a ná'ogue na Israel.

Salmos 40:6

Qami' se rqo'chita na qaỹavigaxat nachitaxanataxanaxat chaqai ana la aca nanecse qoỹaantapego; chaqai sqai vi'saque quiyim 'ue ca qaicopata'a chaqai aca nachitaxanataxanqate quiyim qaỹapalaxat ca nasauaxaset. Qam qami' huachiriguilo naua ique'laa lauaco.

Rut 4:4

Sahotaque 'yiiñi', qaiyi no'm viisaque shiujnaxañita, ca 'ñirac nagui qara'qaachigui qami' quenaua reloqosaho chaqai quena qo'xoiquipi quena na'a'. Ma' qami' ná'maq paguec qauochi' le'ec so Elimelec, ca' qami' tajlec quiyim shiujnaxañita yi na'laua. Qam no'm sqai shiujnaxañita, ca' vite ca ỹa'xaỹaxac ma' quiyim ime sqai shiujnaxañita, ca qaigueme seshit seshiujnaxana. Ca só'maq lauo' le'ec 'naaco': —Ajá'a, seshiujnaxana cajo 'laua.

1 Samuel 9:15

Qam quesó'maq 'auaxaic na'xa'a, na' saqa' ỹovi' so Saúl, ca' ñi qara'gaxala' shi'co' ỹa'deenaxanaxanegue so Samuel. 'Naaco':