2 Samuel 7:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' vichiguiño', qami' ỹa'gaxala' qota'olec, pacqajñichirigui dá'maq chaxañisapeguem aỹim ma'le ma' ỹim relaachiqui' quiyim nashillipi ma'le na ỹaalqaipi, ca pacqajñichirigui da ra'qaachiqui'.

2 Samuel 7:25 Iomraidhean Croise

Génesis 32:12

Ma' qami' ỹaatqajam re'qoote'uegue na'le dá'maq 'ñirac quiyim no'ueenaxachi' ca ỹicyaxac, chaqai quiyim tot qaica ca naloqochin ca ỹaalqaipi, 'ec na lo'uaxanaxa quenaua lahil ana huaaxai.

2 Samuel 7:24

Ma' qami' vi'saque quiyim na llaalqaipi so Israel ralamaxarichi' chaqai qaica lqodoc quiyim qami' la'gaxala' qota'olec.

2 Samuel 7:26

Ca' ¡da qadeenaxachi' chaqai 'neetari' da lecaic chaqai quiyim qara'xachi'sac quiyim qami' qara'gaxala' qaica ca rqalanqui', ma' qami' qota'olec quena llaalqaipi so Israel! ¡Chaqai da ỹo'ueenataxanaxac, ỹim relaachiqui' David, se neme quepaqataxañiseguelec!

1 Reyes 2:4

Qaiyi ñi qara'gaxala' ỹaatqajam ipaquichigui nqai'en da la'qaatec ỹachaxantac na'le caỹim. Chaqai no'm na'maxateta na ỹaalqaipi, chaqai que'tegue cá'maq ỹaatqajam lliqueta quená'maq ỹa'maxarenta ñi'maxare, chaqai quiyim ỹomatauec añi le'taxanata, da nachaalataxac, ca' quena ỹaalqaipi sqoue nqai'en cá'maq lashi nqai'en na llaalqaipi so Israel.

1 Reyes 8:26

Ca' vichiguiño' nagui, qami' qota'olec quena Israel, ỹaatqajam ipaquichiguilo nqai'ñi' naua chaxañisa'pe queso ita'a David, só'maq relaachiqui'.

1 Samuel 1:23

Ca só'maq loua Elcana 'naaco': —Hua', 'viichi' cá'maq paguec 'maxaraic nqai'ñi'. Ro'viiñirañi, toco' ma' ỹaxanñi da lillipaxac na noctoqui'. Ca' ñi qara'gaxala' ipaquichigui nqai'en da la'qaatec. Ca' aso'maxare no'ueenañi, iỹaxat so llaalec, chi ỹovireta'a quiyim ỹaxanñi da lillipaxac.