2 Samuel 7:23 - La'qaatqa ñi qota'olec Qota'olec & Qota'olec Novita Na Qomyipi

²³ Chaqai quena Israel ná'maq ralamaxarichi', ¡na'maxare qaica nqai 'nejem, ma' najo qomyipi ỹaatqajam qainaata quena 'laua! Qami' qota'olec, na'maxare naqachira'a na'le, ma' vi'saque ralamaxarichi'. Ca' 'viichi' da lichoxoric quedá'maq chalego lecaic 'viichi' quena'maxare. Qami' o'yirauec nanchaqaina quedá'maq taata'gue na ralamaxarichi'ipi ná'maq nca'laxachirec na'le quiyi Egipto, chaqai quená'ogue na liỹa qomyipi chaqai quena lashiilqaipi lqolaquipi.

2 Samuel 7:23 Iomraidhean Croise

2 Samuel 7:24

Ma' qami' vi'saque quiyim na llaalqaipi so Israel ralamaxarichi' chaqai qaica lqodoc quiyim qami' la'gaxala' qota'olec.

Nehemías 1:10

Ma' qomi' nauá'maq qomi' relaataxahi' chaqai qomi' ralamaxarichichi' chaqai qarca'laxachirec, viise'e da rquesaxanaxa'e' chaqai da ra'ñaxaqui'.

Salmos 40:5

Qami' ỹa'gaxala' chaqai qota'olec caỹim, 'xoic ná'maq imaqachin qami' quena ro'ueenachiqui' chaqai quiyim 'yiiñisapegalo qomi'. ¡Qaica ca 'nejem qami'! Sahotaque quiyim sa'xat da'maxare, qam ỹapaquerauec quecá'maq sa'xat quet.

Éxodo 12:12

Quecajo pe, ca' shiguelec yá'ogue yi Egipto. Ca' salauat ná'ogue ná'maq ỹi ñaalec quená'ogue ná'maq Egipto laseripi, chaqai ná'ogue ná'maq 'auaxaic llaalec na iseripi. Chaqai sa'ue ca nouaxanaxaset ná'ogue ná'maq lashiilec na Egipto laseripi. Ỹim ra'gaxalari shinac dajo.

Éxodo 9:15

Ỹim seshit quet quiyim sachaxañiraxarom da iquesaxanaxa quiyim so'uet ca nouaxanaxashichi' senaqairaxalec, chaqai na qauochi' ca ne'ne', ca shi'gue quet palac aqami' quena 'laua.

Éxodo 9:16

Qam ñca'laxachisauec, qaiyi huañita da iquesaxanaxa, ma' sahotaque qaỹa'den quená'ogue na 'laua.

Números 6:27

Qaiyi na'maxare ỹa'xatetac da ỹeenaxat quiyim ỹaanlec na Israel llaalqaipi, ca ỹim saanem ma'le ca iqouagaxa na'maxare. (7.1—10.32 Najo ỹa'xat ana nachitaxanataxanqate quiyi lanatqa' ñi qota'olec chaqai quena' qoỹaanshiguim quena llaalqaipi so Leví chaqai quena' qaỹo'leente na' qoyique'e yi Egipto. So llaalqaipi so Israel na'maxajñi quiyim ca'e yi Sinaí.)

Efesios 1:6

Ca' vichiguiño' se neme quiyim semaqachinqatac ñi qota'olec quedá'maq chalego lecaic lqouagaxa coqomi', ma' ña'daqatau'a só'maq lqo'itaxat llaalec.

Deuteronomio 15:15

Se coua'ire'e quiyim qami' qai'neeta na'ac na'le quiyi Egipto, ca' ñi qara'gaxala' qota'olec caqami' naqata'a na'le qami'. Vichiguiño' nagui sa'ue da ỹaqataxac caqami'.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.