2 Samuel 7:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ná'ogue ná'maq 'viichi' chalego loyac, ca' chaqaina ná'maq vi'saque chaxañi' qaiyi sa'den.

2 Samuel 7:21 Iomraidhean Croise

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Mateo 11:26

Ajá'a, qami' ita'a, ma' chaqaido' dá'maq vi'saque.

Mateo 24:35

Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.

Lucas 1:72

chaqai ỹaatqajam 'uo' da le'xorenataxanaxa queso 'auaxaic qareta'allipi, chaqai se coua'e dá'maq na'maqataxac mashic ỹaanema saua'maxare.

Lucas 10:21

Ca' so Espíritu Santo ỹo'uet quiyim 'xoic da netoonaxac so Jesús, ca 'naaco': —Qami' ita'a, semaqachiñi', qami' la'gaxala' na neeto'ot na piguim chaqai na 'laua, ma' 'xochiriño' naua'que nauajo quena 'deenaxanqachaqaiquipi chaqai na 'xaỹaxanqachaqaiquipi, ca chaxañitem ná'maq 'ec ñaaqaipioqui'. Ajá'a, qami' ita'a, ma' chaqaida da vi'saque.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

1 Corintios 1:1

Aỹim Pablo, ma' ỹimo' loỹaxanaxat ñi qota'olec quiyim ỹauaaque aỹim lelaatec so Jesucristo. Iỹaatac ñi qarqaỹa Sóstenes.

Efesios 1:9

chaqai ỹa'deenaxanaxanque qomi' dá'maq ỹahotaque ỹo'uet se re'xogui, dá'maq chaqaiñi ñi'maxare ỹahotaque quiyim ipaquichigui nqai'en.

Efesios 3:11

Ca' dajo ỹo'uet ñi qota'a, qam nachiñi'chiguit nqai'en dá'maq sqaica lqodoc ỹahotaque ñi'maxare, ca ipaquichigui imigui nqai'en queso qara'gaxala' Jesucristo.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.