2 Samuel 7:2 - La'qaatqa ñi qota'olec Qota'olec & Qota'olec Novita Na Qomyipi

² ca 'naaco' na'le queso letaxaỹaxaqui ñi qota'a, leenaxat Natán: —Qami' ya'ajñisac quiyim ỹim sentaugui ñi 'imec lodegaxat chicqaugui ana qo'paq leenaxat cedro, qam añí'maq lahite' naua laqataxaco ñi qota'a neetaugui ñi chi na'daañi 'imcoqui'.

2 Samuel 7:2 Iomraidhean Croise

2 Samuel 11:11

Ca' so Urías 'naaco': —Só'maq lahite' saua lelaataxanaxaco ñi qota'a, 'nejem na nalliripi nalauataxairipi quena Israel chaqai yi Judá, ri'iito'ot na chi na'daañi 'imec. Chaqai 'nejem ñi ỹashi Joab chaqai na nashillipi lotauaripi ñi ỹashi laqauec quen quena no'ueenaxa. Ca ỹim, ca' ¿shicpegue' quet ca ỹa'a', ca' sque'e chaqai ñi'et chaqai ỹapa'ñi' quet aca ỹoua? ¡'E', ma' ñallitalta' quená'ogue ná'maq hueeto'ot ñi qota'olec, qami' ỹashi, quiyim se so'uet dajo!

2 Samuel 12:1

Ca' ñi qara'gaxala' ila' so letaxaỹaxaqui, leenaxat Natán, quiyim quepegue' so David. Ca' so Natán na' ỹovira'a so David, ca 'naaco': —'Uo' so na'a' nera'ño' saua dos ỹale', 'óno' so nesallaxanec chaqai so liỹa 'xoraic.

2 Samuel 5:11

Vichiguiño' so Hiram só'maq nashi quiyi Tiro ilate' saua letaxaỹaxanqajanqa queso David, chaqai ila' qai'neeta na ỹa'den ichaxagui na qo'paq chaqai na qa'. Ca na'maxare i'xata na qo'paq cedro, ca' qaỹo'uet ca lauo' lodegaxat so David.

2 Samuel 6:17

Ca' aso lahite' saua laqataxaco ñi qara'gaxala' qailla'ñi ca loma' queca 'imec na'daañi chi ỹa'yiño' so David ỹauaaque lahi'. Ca' so David chaqa'ma' ỹo'uet aso lachitaxanataxanqate ỹavigaxat, qaiyi qareuaguiguit quiñi qara'gaxala'.

2 Samuel 7:17

Ca' so Natán ỹa'xatem dá'ogue dajo so David, ỹaatqajam ipacqajanchigui da leuanaxanaxac chaqai dá'maq 'qaachigui.

1 Reyes 1:22

Ca aso'maxare co'na' ñaq retaqata'pegue' so nashi, ca' ỹoviro so netaxaỹaxaqui Natán.

1 Reyes 1:8

Qam so liỹa netaxaỹaxanqajnec Sadoc, chaqai so Benaía só'maq llaalec so Joiada, chaqai vire'ta so letaxaỹaxaqui ñi qota'olec leenaxat Natán, chaqai so Simei só'maq ỹaatqajam lpe'eet so nashi David, chaqai vire'ta só'maq ỹaatqajam 'ñaaxaiquipi nalliripi, so'maxare sqai qoshiiguit so Adonías.

1 Reyes 8:17

Só'maq ita'a David 'uo' da 'neeta quiyim ỹahotaque no'xonshiguim ca qouagaxainaxaqui quiyim qaimaqachin ñi qara'gaxala' ñí'maq qota'olec quena Israel.

Éxodo 40:21

Ime, ca ỹodougui na lauel so 'imec na'daañi. Ca' ỹauec so lapooque', qaiyi pojlec aso lahi' saua naqataxaco. Ca ipaquichigui dá'maq la'qaatec ñi qara'gaxala'.

Hageo 1:4

¿Ca chi laloqo'o' nagui caqamiri quiyim ñiitauguilo naua lo'yaxanqa 'imqa, ca' quiñi qouagaxainaxaqui caỹim, ca' chaqaidaata da 'neetari' ropoqota iterejlec?

Juan 2:17

Ca' saua lapaxaguinatqa taachirigui lauele' yaua naneresañi la'qaatqa ñi qota'a, 'nerac: “'Eco' ỹaatqajam ỹavic nqai'en aỹim, ma' paguec da ỹauochaxa quena ra'aachi'.”

Hechos 7:46

Ca' sojo David ỹaatqajam qanqo'ta quiñi qota'a, ca so'maxare ỹahotaque quiyim ỹo'uet ca lauo' ñi qota'olec queso 'auaxaic qareta'a Jacob.