2 Samuel 7:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' ca'maxare chaqaica cá'maq no'xonshiguim ma'le ca iuo' ca huaugui quiyim qanqouagaxainot aỹim ma'le. Ca' ỹim se'taxajñi quiyim sqaica lqodoc nashi ca'maxare ma'le.

2 Samuel 7:13 Iomraidhean Croise

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

2 Samuel 7:16

Ca' dajo ro'ueenataxanaxaqui' quiyim qami' nashi quena ra'aachi' chaqai 'neetari'. Chaqai se'taxajñi quiyim squepaqataxanlec chaqai sqaica lqodoc nqaishin ma' na qachaalaxai'ipi sanagui qai'neeta quiyim nashillipi.

2 Samuel 7:27

Ca' qami' ỹa'gaxala' qaica ca rqalanqui', ya'deenaxanaxañitegue chaqai 'taxachiriñi da ỹo'ueenataxanaxac quiyim ỹim nashi chaqai quena ỹaalqaipi, vichiguiño' ỹim 'eno'm ỹim relaachiqui', qam saanot qami' da ñi'xoresenaxac.

1 Reyes 2:4

Qaiyi ñi qara'gaxala' ỹaatqajam ipaquichigui nqai'en da la'qaatec ỹachaxantac na'le caỹim. Chaqai no'm na'maxateta na ỹaalqaipi, chaqai que'tegue cá'maq ỹaatqajam lliqueta quená'maq ỹa'maxarenta ñi'maxare, chaqai quiyim ỹomatauec añi le'taxanata, da nachaalataxac, ca' quena ỹaalqaipi sqoue nqai'en cá'maq lashi nqai'en na llaalqaipi so Israel.

1 Reyes 5:5

Ca' nagui sahotaque quiyim ño'xonshiguim ca 'imec, qaiyi qanqouagaxainot ñi qara'gaxala' qota'olec ñí'maq ỹashiilec, qaiyi ipaquichigui da la'qaatec ỹachaxantac na'le queso ita'a David, co'na' 'naac: “Cá'maq qachaalqui' cá'maq sanagui da ro'ueenataxanaxaqui' quiyim nashi, ca' chaqaica cá'maq no'xonshiguim ma'le ca 'imec, qaiyi qayimaqachin.”

1 Reyes 6:12

—Ca' caná'maq 'viichisac no'ueenaxanaxaqui, ca' nagui, ca 'ue da shinac caqami', ca no'm quiiterelgoto nauá'maq ỹaqataxaco chaqai naua ilaataxanaxaco, chaqai quiyim 'viichi' dá'maq 'nerac naua'maxare, ca' ỹim qai'neeta sepacqajanchigui dá'maq sachaxantac na'le queso qataa'i' David, dá'maq shinac na'le caqami'.

1 Reyes 8:13

Qam ỹim so'uet ana qouagaxainaxaqui qaiyi vi'saugui, sauaaque quiyim qaica lqodoc ñi'saugui.

1 Reyes 8:15

'Naaco': —Ỹaatqajam qaimaqachin ñi qara'gaxala' ñí'maq qota'olec quena Israel, ma' ipacqajanchigui dá'maq ỹachaxantaco' na'le queso ita'a David, co'na' 'naac:

1 Reyes 8:19

qam mesqaiqami' ná'maq no'xoñirishiguim ma'le aca'maxare, ta'ta'a cá'maq qachaalqui'. Ca' chaqaica cá'maq no'xonshiguim ma'le aca no'ueenaxanaxaqui.

2 Reyes 21:4

chaqai no'xonshiguim ana ncopatoxonaxalate quiñi lauo' ñi qara'gaxala' yí'maq 'naaco' na'le quiyim qanqouagaxainot, ca' qaỹouen da leenaxat quiyi Jerusalén.

2 Reyes 21:7

Chaqai qai'neeta ỹanaugui ñi lauo' ñi qara'gaxala' so lqui'i aso nashiila Asera, ñí'maq ñi qara'gaxala' ỹa'uo' na'le da laqataxac queso David chaqai queso llaalec Salomón, 'naaco': —Najo no'ueenaxanaxaqui na'ñi na Jerusalén ná'maq ica'acsec sachigoxotetougui na llaalqaipi so Israel quiyim se reda, chaqaina hueeta'ñi da ỹeenaxat.

Isaías 49:8

Ñi qara'gaxala' 'naac: Novi'o' na na'xa'a quiyim sachaxan da iqouagaxa, ca' sasaachiguit qami'; novi' na na'xa'a nca'laxaqui, ca' sotauañi'. Ỹim so'ootaxanlec qami' na'le, qaiyi chicqochigui nqaishin qami' quiyim se'taxajñi da ña'deenaxac quena ỹalamaxareteripi, qaiyi liỹa qano'xonshiguim na na'aateripi, qaiyi liỹa qoyinalec yí'maq 'laua shi'gue qanopoxoỹaxajñi,

Isaías 9:6

Ma' mashic ne'qaañi ca noctoqui', ñi qota'olec nañaanoxorom ca ñaalcoqui', ca ca'maxare qoỹanagui quiyim nashi. Chaqai qaỹa'vii daua leenqate' 'neetasa': Chalego la'maqa' naua laqataxaco, qota'olec qaica lqalanec, neta'a sqaica lqodoc, lashi da no'daxa. (9.7-21 Ñi qara'gaxala' ro'ỹa so Israel.)

Zacarías 6:12

Ca 'ñiraco': Ñi qara'gaxala' sqaica lqalanec i'taxajñi quiyim ñaxatec cajo ỹale qaỹamata'gue dalaxaic llaxataxa chicqochi'ñalo saua chi lpa'yii, ca' liỹa no'xonshiguim ñi no'ueenaxanaxaqui quiñi qara'gaxala' quiyi Jerusalén.

Zacarías 6:13

Liỹa no'xonshiguim ñi no'ueenaxanaxaqui quiñi qara'gaxala', ca ma'le, ca' ỹaatqajam 'ue da nemaqajnataxanaxac qohinta'gue ca nashi. Nqa'xanñigui ma'le añi nashi nqa'xanaxaqui, ca ná'ogue ỹoiquentac ma'le. Ca' huaqato ma'le añi nqa'xanaxaqui ñi netaxaỹaxanqajnec quena' qaretaxaỹa'pegue' ñi qota'olec. Ca' 'ue da neuagaxa ma'le quiyaua'maxare.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Hebreos 3:3

Ca' so Jesús 'chichiguiñi quiyim paguec qaimaqachin queso Moisés, ma' 'nejem nqohin cá'maq no'xonshiguim ca 'imec paguec qaimaqachin quecá'maq 'imec.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.