2 Samuel 7:12 - La'qaatqa ñi qota'olec Qota'olec & Qota'olec Novita Na Qomyipi

¹² Chaqai ma' ỹovita ca lqodoc aca rqauaxagui'i' ma' rillivi', ca' ỹim sano queda ro'ueenataxanaxaqui' ca 'óna quena qachaalaxai'ipi, ca' ca'maxare sano quiyim nashi.

2 Samuel 7:12 Iomraidhean Croise

Génesis 15:4

Ca' ñi qara'gaxala' 'naaco': —Qami' ma'le, ca 'ue cá'maq ỹaatqajam ralamaxarichi' qachaalqui', cá'maq taalec da resallaxa'e', mesqai ca ỹoqa'a.

1 Reyes 1:21

Ca noma' ỹovita ca lqodoc aca rqauaxagui'i', qami' qarashi, ca' ñi ỹaalec Salomón chaqai ỹim qaỹalauate' qomi' ma'le.

1 Reyes 1:48

Ca 'naac: Ỹaatqajam 'xorenataxanaxai ñi qara'gaxala' ñí'maq qota'olec queso Israel, ma' ñi'maxare ỹaanem ñi 'oonoqui' quena ỹaalqaipi quiyim nqa'xanlec nqai'en da ỹo'ueenataxanaxac, ỹaatqajam seuanchigui nqai'en.

1 Reyes 2:1

Ca co'na' tot qaỹalqotac ileu so David, ca' ỹaatqajam qatetapega so llaalec Salomón, 'naacsa':

1 Reyes 2:10

Ca' so David ileu. Ime, ca qaishinñi qaỹauaxaỹaxane'te' só'maq 'au leta'allipi hua'ñi yí'maq qohinac la'a' so David.

1 Reyes 2:4

Qaiyi ñi qara'gaxala' ỹaatqajam ipaquichigui nqai'en da la'qaatec ỹachaxantac na'le caỹim. Chaqai no'm na'maxateta na ỹaalqaipi, chaqai que'tegue cá'maq ỹaatqajam lliqueta quená'maq ỹa'maxarenta ñi'maxare, chaqai quiyim ỹomatauec añi le'taxanata, da nachaalataxac, ca' quena ỹaalqaipi sqoue nqai'en cá'maq lashi nqai'en na llaalqaipi so Israel.

1 Reyes 5:5

Ca' nagui sahotaque quiyim ño'xonshiguim ca 'imec, qaiyi qanqouagaxainot ñi qara'gaxala' qota'olec ñí'maq ỹashiilec, qaiyi ipaquichigui da la'qaatec ỹachaxantac na'le queso ita'a David, co'na' 'naac: “Cá'maq qachaalqui' cá'maq sanagui da ro'ueenataxanaxaqui' quiyim nashi, ca' chaqaica cá'maq no'xonshiguim ma'le ca 'imec, qaiyi qayimaqachin.”

1 Reyes 8:15

'Naaco': —Ỹaatqajam qaimaqachin ñi qara'gaxala' ñí'maq qota'olec quena Israel, ma' ipacqajanchigui dá'maq ỹachaxantaco' na'le queso ita'a David, co'na' 'naac:

1 Reyes 8:19

qam mesqaiqami' ná'maq no'xoñirishiguim ma'le aca'maxare, ta'ta'a cá'maq qachaalqui'. Ca' chaqaica cá'maq no'xonshiguim ma'le aca no'ueenaxanaxaqui.

1 Reyes 8:20

Ca' ñi qara'gaxala' ỹaatqajam ipacqajanchigui nagui dá'maq la'qaatec. Ca' ỹim nagui ñqa'xanlec da lo'ueenataxanaxac so ita'a David, ca' ñqa'xanñi quiyim ỹim lashi na llaalqaipi so Israel. Chaqai ño'xonshiguim ana no'ueenaxanaxaqui, qaiyi qanqouagaxainot ñi qara'gaxala' ñí'maq qota'olec quena Israel.

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Mateo 1:1

Anajo chaqana aná'maq naneraxalate só'maq 'auaxaic leta'allipi so Jesucristo, só'maq chigoxougui so nashi David chaqai so Abraham.

Lucas 1:32

Ma' ca'maxare ỹaatqajam lodegaxat, chaqai qaỹamata'gue ma'le llaalec ñi qota'olec maq lodegaxat. Ma' ñi qota'olec ñí'maq qara'gaxala' ỹano ma'le ca'maxare quiyim nashi, 'nejem so chigoxougui nashi David,

Lucas 24:27

Ca' quiyi, ca ichoxotema da leloxoỹaxac da na'qaatec naneretañi, quenaua nerecse' la'qaatqa ñi qota'a ỹa'xatesa'guit so'maxare, ỹachigoxochichiguilo saua 'avichiriñi lerecse' so Moisés, ỹovira'oga nqai'en aso pa'aatec lerecse so la'qaataxanqajanqaipi ñi qota'a.

Hechos 13:36

Qam llic ma' so David cochiỹa so lauo' co'na' ỹo'uet da la'qaatec ñi qota'olec. Qam co'na' ileu, ca qailla'ñi yi hua'ñi so leta'allipi, ca' so loshicmaxa na'laañi.

Hechos 2:30

Qam so David ỹaatqajam qota'a la'qaataxanqajnec, chaqai ỹa'den ca 'neetapega ñi qota'a co'na' 'naac i'taxajñi quiyim 'uo' ca 'óna ma'le queso llaalqaipi, ca' chaqaica cá'maq nashi nca'laxaqui, ca' chaqaiso só'maq nqa'xanaxañi'ñigui aca nqa'xanaxaqui quiyim nashi.

1 Corintios 15:51

Qam sahotaque 'yiiñii dá'maq se re'xogui, ma' mesqai qomá'ogue qareleu, qam qomá'ogue ma'le qomi' qaỹadalaxate'.

1 Tesalonicenses 4:14

Ma' quiyim qomi' seuaqlec quiyim so Jesús ileu qam liỹa nca'leuec, ca' qai'neeta seuaqlec quiyim ñi qota'a liỹa nca'laxatec ma'le ná'maq queeta'ñi' quiyim huelec so Jesús, qaiyi liỹaatac so'maxare.