2 Samuel 7:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Chaqai sa'maxatetañi ca loma' na lalamaxareteripi llaalqaipi so Israel, ca' chaqaiyi sana'ñi, qaiyi naalec cá'maq lalamaxaret, quiyí'maq hua'ñi quiyim qoỹaxantac chaqai na hualoxonyipi sqai ỹoiquentac, 'nejem cá'maq ñaqai 'avichiguiñi,

2 Samuel 7:10 Iomraidhean Croise

2 Reyes 21:8

Ca' ỹim tot liỹa so'daauec quenajo 'laua na llaalqaipi so Israel quená'maq saanem na'le so 'auaxaic leta'allipi no'm ipacqajanchigui ỹo'uet ná'ogue ná'maq selarelec chaqai ná'ogue ná'maq lapaxaguinataxanaxaquipi so ilaatec Moisés.

Éxodo 1:22

Qam so Faraón 'naaco' quesó'maq chi lauo' laseripi: —No'm 'ue ca ne'qaañi noctoqui' quena hebreo lasellipi, ca qainaxe'ogo' ma'le aso lachiugue. Qam ana nocto'lli' ne'qaañi, ca' qanca'laxatetauec.

Éxodo 15:17

Qami' qara'gaxala', qare'xachi' quiyim senqalec yi Jerusalén, yí'maq co'teeta 'laua qoỹoqoshi'megue ralamaxachi', yí'maq rca'acshiqui' quiyim ñira'ñi, yí'maq qouagaxainqa' chaqaqami' 'yiriñi.

Isaías 5:2

Naqalgoxoshiguim yi 'laua, naqata'a na qa', ca' ỹanñi ná'maq ỹaatqajam no'uen llaxataxa. Ca' quiyi lavinñi yi lanaxanqa' ỹa'ue ada la'ajnaxanaxalate, chaqai qai'neeta ỹa'maxajñi ca lo'ueetqa' na lataxa. Ñi ñauochaxaua 'neetapego' lo'daxarai ana la 'uva, qam na' qai'guen, ca' nodaachiguiñi lochiviaxai.

Isaías 5:7

Yi lanaxanqa' ñi qara'gaxala' ñí'maq qaica lqalanec, yí'maq lqo'itaxat lanaxanqa', chaqaiyi yi 'laua neetalec na llaalqaipi so Israel, chaqai na lauo' so Judá. Ñi qara'gaxala' 'neetapega quiyaua'maxare se napaqueralec da naqataxac, qam qainaata iuantapega na nalauataxanaxac; nauaantaque ca 'maxaraic 'ueenataxac, qam qainaata 'qaataque na naualaxac queda nqui'ic.

Isaías 60:18

Quena na'laua'e' tot qara'xaỹaque ma'le da nqa'viic, chaqai tot qanopoxoỹaxajñi naua na'aate' chaqai na qana'laxatañi quena na'laua'e', ta'ta'a quiyim machira'gue na rquepaqataxanaxachi': Nca'laxa; chaqai na lasomyipi machira'gue Toonaxac.

Isaías 60:21

Ná'ogue ná'maq qomyipi neetaugui qami' ỹo'ueetetac ma'le da no'uen, qaica ishit naqat ma'le quená'maq chi na'laua, na'maxare llaxataxai aca ỹanecse, sanñi na'le, na'maxare so'uet, ma' sahotaque sachaxan da iquesaxanaxa.

Jeremías 18:9

Ime, ca lotqai 'ue ca liỹa na'xa'a quiyim so'uet quiyim ño'xonshiguim chaqai ñqo'naxatec ca qomyipi loqo'm ca loiquenatec ca nashi.

Oseas 2:18

Ca' quecajo na'xa'a, ca so'uet ca iqouagaxa quena Israel, sa'ue ca ña'deenaxac quena iseripi neuec, ana qo'o chaqai na nqai'ec; sopoxoỹaxachigui chaqai ñaqata'a quenajo 'laua na no'xoshic, na lecat chaqai na lauataq, qaiyi na ỹalamaxareteripi llaalqaipi so Israel i'maqajlem, nco'matec.

Apocalipsis 21:4

Ñi'maxare nquiỹoorec naua'que naua lachi' ma'le yi'maxare. Ca' tot qaica ca nelauaxa, chaqai ca ỹenaxac, chaqai ca naualqategueñi, chaqai ca nqui'ic, ma' ná'ogue ná'maq shi'co' quen 'ue, qaica ime'uegue.

Jueces 4:3

Ca' so nashi Jabín novecientos aso lahoglena fierro nalauataxaqui. Ca' so'maxare ỹovi' veinte ñaxari quiyim qaica ca 'nejem da lqa'viic queso Israel llaalqaipi, chi ỹovireto'o' quiyim so Israel llaalqaipi liỹa ne'xoresene'tot ñi qara'gaxala' quiyim qaỹotauan.