2 Samuel 6:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' aso lahite' saua naqataxaco co'na' ỹovira'a yi na'a' neeta'ñi so David, ca' aso Mical só'maq llaale so Saúl ra'ỹauco' caso nqote so lauo'. Ca co'na' idaana'a so David nenotetashiguim chaqai rasotetacot ñi qara'gaxala', ca' aso'maxare ỹaatqajam ra'aguelec so'maxare.

2 Samuel 6:16 Iomraidhean Croise

2 Samuel 5:7

Qam so David qaiyiita loxonec so ne'guenqa' quiyi Sión. Vichiguiño' nagui qoỹanegue leenaxat la'a' so David.

2 Samuel 6:15

Ca' so'maxare chaqai sá'ogue so llaalqaipi so Israel raỹaacotagui chaqai ỹaualqatagui, pe'taxantalec na' i'xat aso lahite' saua laqataxaco ñi qara'gaxala'.

2 Samuel 6:20

Ca' so David qai'neeta pilo queca la'a', ma' ỹahotaque ỹaanem da nqouagaxa so llaalqaipi. Qam aso Mical asó'maq llaale so Saúl, 'au ca'guit so David. Ca 'naaco': —¡Ỹaatqajam chalego la'maxa da 'neetari' ná'maq lashi na llaalqaipi so Israel quiyim nachaxana na lelaataipi na lotauaripi nashillipi, 'neetari' ca qaica ca layiloxo!

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Hechos 2:13

Qam 'uo' so qomyipi chi i'neetac so'maxare, ca 'naaco': —Na'maxare chi quiñiuguetaxaiquipi.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.