2 Samuel 6:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' so David ỹansañi saua loho qaican ishite', chicqoraugui na lino, ca' ỹaatqajam rasot, ỹomatauec da lquesaxanaxa.

2 Samuel 6:14 Iomraidhean Croise

2 Samuel 6:15

Ca' so'maxare chaqai sá'ogue so llaalqaipi so Israel raỹaacotagui chaqai ỹaualqatagui, pe'taxantalec na' i'xat aso lahite' saua laqataxaco ñi qara'gaxala'.

2 Samuel 6:20

Ca' so David qai'neeta pilo queca la'a', ma' ỹahotaque ỹaanem da nqouagaxa so llaalqaipi. Qam aso Mical asó'maq llaale so Saúl, 'au ca'guit so David. Ca 'naaco': —¡Ỹaatqajam chalego la'maxa da 'neetari' ná'maq lashi na llaalqaipi so Israel quiyim nachaxana na lelaataipi na lotauaripi nashillipi, 'neetari' ca qaica ca layiloxo!

Salmos 150:4

¡Maqachiñii, rasochitañi, ỹocantegueñi nqai'ñii da lelamaxa ana nasaquinata! ¡Maqachiñii, viite'e ana npe'te chaqai ana liviigue 'ue lequet!

Éxodo 15:20

Co'na'le, ca' aso qota'a letaxaỹaxaqui leenaxat María, lqaỹa so Aarón, icona aso nasaquinata. Ca' sá'ogue so liỹa 'aallipi coỹaretalec rasoteta chaqai ỹasaquintapigui aso nasaquinata.

Éxodo 15:21

Ca na' ñaq ro'ueenaxantalec so liỹa 'aallipi: 'Ueenaxañii, maqachiñitac ñi qara'gaxala', ma' ñi'maxare chalego lecaic da lauegaxanaxac na' iyinñi nqai'en so shipiguiripi qoyintalec. (15.22-27 'Ue so nanataxat huaxaỹaq, qam chim.)

Éxodo 19:6

Ca' qamiri 'ñiitari' ma'le ca qomyipi netaxaỹaxanqajanqaipi quiyim qaretaxaỹa'pegue' aỹim quena ỹoreta'oguit qomyipi. Chaqai 'ñiitari' ma'le ca qomyipi qaỹoỹoota'oga, ca qoỹaanot aỹim.” Ca' dá'ogue dajo 'xachi'o' ma'le quena Israel llaalqaipi.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Lucas 15:25

Qam ñaqai hueeta'oga na no'ueenaxa só'maq ỹi llaalec. Qam co'na' rapilo, ca mashic ipalatau'a yi la'a', ca 'qaatapegueu'a so neviiguellipi chaqai so rasotaxaripi.

Deuteronomio 6:5

Ỹaatqajam rqo'chita ñi qara'gaxala' qota'olec, machiro'ot añi re'taxanata'e', chaqai dá'ogue da nachaalataxaqui' chaqai dá'ogue da rquesaxanaxa'e'.

Colosenses 3:23

Ca' quecanchaqaica 'viichii, qam raqamaxaita, 'ec 'ueenataxañitacot so qara'gaxala', mesqai 'ec 'ueenataxañitacot cá'maq re'qoochigui qom.

1 Samuel 2:18

Qam so noctoqui' Samuel queetalec ỹo'ueetetac na lo'ueenataxanaxaquipi ñi qara'gaxala' ỹansañi saua loho lo'ueenataxanaxaqui' chicqoraugui na lino.