2 Samuel 6:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' qara'qaataxana so nashi David quiyim sauaxat aso lahite' saua laqataxaco ñi qara'gaxala', ca' ỹaanem da lqouagaxa chaqai so llaalqaipi so Obed-edom. Ca' so David 'xoic da netoonaxac na' nqo'naxata yí'maq na'a' neeta'ñi aso lahite' saua laqataxaco ñi qota'olec.

2 Samuel 6:12 Iomraidhean Croise

2 Samuel 5:7

Qam so David qaiyiita loxonec so ne'guenqa' quiyi Sión. Vichiguiño' nagui qoỹanegue leenaxat la'a' so David.

1 Reyes 8:1

Ca co'na'le, ca' so Salomón lapoonta' quiyi Jerusalén ná'maq qo'xoiquipi quena llaalqaipi so Israel, chaqai na neuo' laseripi, chaqai na lashi na na'aateripi quena llaalqaipi so Israel, ma' ỹahotaque nqo'naxato aso lahite' saua laqataxaco ñi qara'gaxala', chicqochi'ñi yi Sión yí'maq qohinac liỹa leenaxat la'a' lodegaxat so David.

1 Reyes 8:3

Ca' ỹoviro ná'ogue na qo'xoiquipi quena llaalqaipi so Israel. Ca' so letaxaỹaxanqajanqaipi na qomyipi quena' qaretaxaỹa'pegue' ñi qota'a ỹaconot aso lahite' saua naqataxaco,

1 Reyes 8:4

ca qanqo'naxato aso'maxare chaqai qai'neeta so 'imcoqui' na'daañi huaugui quena' qanauane'e' ñi qota'olec chaqai sá'ogue so louenqaipi yí'maq noma' 'xoic lichic hueetaugui so'maxare. Ca i'xat nqohin so netaxaỹaxanqajanqaipi chaqai so lotauaripi llaalqaipi so Leví.

Mateo 10:42

Chaqai canchaqaica quiyim ỹaanem 'eno'chaqai 'oono'lli' aca 'taxaqui queca 'oom huaxaỹaq quiñi 'óna quenaua collo'olqai' queesa'pegue' aỹim, ca' ỹaatqajam llicsa 'ue ca nishiue' ma'le.