2 Samuel 5:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca co'na' ime, ca' so David na'ñi sojo ne'guenqa', ca ỹanegue leenaxat la'a' lodegaxat so David. Ca' no'xonshiguim so lquepaqataxanaxat quenaua'que naua lahil, chicqochi'ñi so nayic, chi ỹoviretau'a so 'imec lodegaxat.

2 Samuel 5:9 Iomraidhean Croise

2 Samuel 5:7

Qam so David qaiyiita loxonec so ne'guenqa' quiyi Sión. Vichiguiño' nagui qoỹanegue leenaxat la'a' so David.

2 Samuel 5:8

Ca' so David 'naaco' na'le: —Ná'ogue ná'maq queu'a yi jebuseoipi, ca' queetou'gue so huaxaỹaq la'uaxac, ca' ỹalauat na qai'laripi chaqai na ni'iraho naua lichil, ma' ỹaqaigaxat quedá'ogue da ñachaalataxac. Ca' chaqaida chicqochigui da na'qaatec: Na qai'laqaipi chaqai na chisaripi se ishit quiyim inoxonougui ñi no'ueenaxanaxaqui quiñi qara'gaxala'.

2 Samuel 6:10

Ca co'na' mashic totqai huapigui lauel quiyim ỹoda'a yi na'a' neeta'ñi, ca' relaataxanlec quiyim qaỹoda'a yi la'a' so Obed-edom, so ỹale na'ño' na'le yi Gat.

1 Reyes 11:27

Dá'maq 'neeto' na'le quiyim so Jeroboam npa'guene'e' so nashi 'neetasa': So Salomón na' ỹo'uet so nayic, ca' ỹapogui na lauaquipi só'maq na'a' qohinac la'a' so David.

1 Reyes 2:10

Ca' so David ileu. Ime, ca qaishinñi qaỹauaxaỹaxane'te' só'maq 'au leta'allipi hua'ñi yí'maq qohinac la'a' so David.

Salmos 122:3

Jerusalén, qami' na'a' qano'xonshiguim, qaiyi qami' lapooqo' na qomyipi.

Jueces 9:20

Qam no'm sqai 'neeta dajo, ca ¡dá'maq Abimelec chicqochigui ma'le ca norec, ca ỹavigaxat ma'le ná'ogue na neeta'ñi yi Siquem chaqai yi Bet-milo, chaqai quiyaua'maxare qai'neeta chicqotouguilo ca norec, ca ỹavigaxat da Abimelec!

Jueces 9:6

Ca co'na' ime, ca sá'ogue so na'ñi yi Siquem chaqai so na'ñi yi Bet-milo lapoi'ot aso qo'paq leenaxat encina, huaqate'e' so qa' quiyí'maq qouagaxainqa' quiyi Siquem. Ca' qoỹano quiyim nashi so Abimelec.