2 Samuel 5:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam so David qaiyiita loxonec so ne'guenqa' quiyi Sión. Vichiguiño' nagui qoỹanegue leenaxat la'a' so David.

2 Samuel 5:7 Iomraidhean Croise

2 Samuel 5:8

Ca' so David 'naaco' na'le: —Ná'ogue ná'maq queu'a yi jebuseoipi, ca' queetou'gue so huaxaỹaq la'uaxac, ca' ỹalauat na qai'laripi chaqai na ni'iraho naua lichil, ma' ỹaqaigaxat quedá'ogue da ñachaalataxac. Ca' chaqaida chicqochigui da na'qaatec: Na qai'laqaipi chaqai na chisaripi se ishit quiyim inoxonougui ñi no'ueenaxanaxaqui quiñi qara'gaxala'.

2 Samuel 5:9

Ca co'na' ime, ca' so David na'ñi sojo ne'guenqa', ca ỹanegue leenaxat la'a' lodegaxat so David. Ca' no'xonshiguim so lquepaqataxanaxat quenaua'que naua lahil, chicqochi'ñi so nayic, chi ỹoviretau'a so 'imec lodegaxat.

2 Samuel 6:10

Ca co'na' mashic totqai huapigui lauel quiyim ỹoda'a yi na'a' neeta'ñi, ca' relaataxanlec quiyim qaỹoda'a yi la'a' so Obed-edom, so ỹale na'ño' na'le yi Gat.

2 Samuel 6:12

Ca co'na' qara'qaataxana so nashi David quiyim sauaxat aso lahite' saua laqataxaco ñi qara'gaxala', ca' ỹaanem da lqouagaxa chaqai so llaalqaipi so Obed-edom. Ca' so David 'xoic da netoonaxac na' nqo'naxata yí'maq na'a' neeta'ñi aso lahite' saua laqataxaco ñi qota'olec.

2 Samuel 6:16

Ca' aso lahite' saua naqataxaco co'na' ỹovira'a yi na'a' neeta'ñi so David, ca' aso Mical só'maq llaale so Saúl ra'ỹauco' caso nqote so lauo'. Ca co'na' idaana'a so David nenotetashiguim chaqai rasotetacot ñi qara'gaxala', ca' aso'maxare ỹaatqajam ra'aguelec so'maxare.

1 Reyes 2:10

Ca' so David ileu. Ime, ca qaishinñi qaỹauaxaỹaxane'te' só'maq 'au leta'allipi hua'ñi yí'maq qohinac la'a' so David.

1 Reyes 8:1

Ca co'na'le, ca' so Salomón lapoonta' quiyi Jerusalén ná'maq qo'xoiquipi quena llaalqaipi so Israel, chaqai na neuo' laseripi, chaqai na lashi na na'aateripi quena llaalqaipi so Israel, ma' ỹahotaque nqo'naxato aso lahite' saua laqataxaco ñi qara'gaxala', chicqochi'ñi yi Sión yí'maq qohinac liỹa leenaxat la'a' lodegaxat so David.

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Salmos 51:18

Ca 'viichi' ca no'uen quena Sión quedá'maq vi'saque; quiyim liỹa no'xoñirishiguim ca lquepaxaset na Jerusalén.

Isaías 59:20

Ñi qara'gaxala' i'taxajñi da la'qaatec, 'naac: Ñanac quiyim so'ootaxanlec yi na'a' lodegaxat Sión chaqai quená'ogue na llaalqaipi so Jacob quená'maq netogotegue na lasauaxaset. (59.21 Qaỹa'ue da 'deenaxac sqaica lqodoc.)

Miqueas 4:2

ca 'naac: “Ỹalahi, qolaxashi'megue ada naqa' ladocai ñi qara'gaxala', ñí'maq no'ueenaxanaxaqui quiñi nqota'olec so Jacob, qaiyi ñi'maxare qarapaxaguineguelo caua nayicyaxaco, qaiyi seshitaq qolqata'guelo naua llico.” Ma' chicqochi'ñi ma'le yi Sión ca lapaxaguinataxanaxac ñi qara'gaxala', chaqai quiyi Jerusalén chicqochi'ñi ca la'qaatec.

Romanos 9:33

só'maq qaỹa'xatetac quenaua naneresañi la'qaatqa ñi qota'a, ma' 'nerac: Aỹim sanañigui na lavinñi yi Sión ñi ỹale quiyim 'ec ca qa' nepoxolaxanaxala' chaqai qa' quiyim 'ue ca huaañi nqai'en; qam cá'maq huelec ñi'maxare, ca se nayiloxontac nqai'en.

Hebreos 12:22

Qam qamiri mashic nqo'ñiu'a aso quemaralec ladocai leenaxat Sión, yí'maq na'a' lodegaxat ñi qota'a ñí'maq sqaica lqodoc nca'leetauec, yí'maq qohinac Jerusalén hueeta'gue da piguim, yí'maq hueete'e ná'maq ỹaatqajam 'xoic nelaatqaipi piguim laseripi,

Apocalipsis 14:1

Ca na' ime, ca' lotqai liỹa ñidaanashiguim, ca' seuane'ta so 'ec qagreta llaalec co'ueetalec aso qa' ladocai leenaxat Sión, lapoota'guita saua ciento cuarenta y cuatro mil qomyipi. Ca sá'ogue qoỹeretalec na latap da leenaxat so 'ec qagreta llaalec chaqai ñi qota'olec.