2 Samuel 5:2 - La'qaatqa ñi qota'olec Qota'olec & Qota'olec Novita Na Qomyipi

² Ma' llic quiyim so Saúl só'maq qarashi na'le, qam qami' ná'maq la'gaxala' na llaalqaipi so Israel quena' 'ue na lauataq. Chaqai ñi qara'gaxala' ỹachaxantac qami' quesom quiyim qami' la'gaxala' na llaalqaipi so Israel.

2 Samuel 5:2 Iomraidhean Croise

Génesis 49:24

qam da José ỹaatqajam ra'ñi'teguelo naua lqai'laqate', lo'qoochiguiñi da lo'xoshic; ¡ña'aachic quiñi qota'olec quena Jacob, ma' quesaxanaxaic!, ¡ña'aachic quiñí'maq neloxoỹaq ro'ootaxanteguelec na Israel!,

2 Samuel 6:21

Ca' so David 'naaco': —Ỹaatqajam llic quiyim yasotetac, qam yasotetacot ñi qara'gaxala' ñí'maq ỹim lca'acsec quiyim yilla'ñi da lo'ueenataxanaxac so qataa'i', chaqai quena rqaỹachi'ipi quiyim ỹim la'gaxala' na lalamaxaret llaalqaipi so Israel. Vichiguiño' ỹim yasotetacot ñi'maxare.

2 Samuel 7:7

Quesaua'que saua ñaxari quiyim iỹaatac na qomyipi, qaica ma' 'ue quet ca sashiilo'ot queso nashillipi, quená'maq sano quiyim reloxoỹa'a na ỹalamaxareteripi quena Israel, quiyim ỹo'uet quet ca iuo' ỹachigoxotaugui na qo'paq cedro.

2 Samuel 7:8

Ca' vichiguiño' nagui 'ñirapega ñi ilaatec David quiyim ỹim, ỹim na'gaxala' qaica lqalanec, shinacsa': Ỹim ñaqata'a qami' na'le, sachigoxotau'a aso nelo qagretaipi, chaqai sollaapeguem qami' quiyim loqoisa'a aso'maxare, ma' sahotaque quiyim qami' la'gaxala' ná'maq ỹalamaxareteripi llaalqaipi so Israel.

2 Reyes 20:5

—Pilliro, ca 'ñirapega ñi Ezequías ñí'maq la'gaxala' na ỹalamaxareteripi, ca 'ñiraco': Ñi qara'gaxala', ñí'maq qota'olec queso 'auaxaic qareta'a David 'naacsa': Ỹim ña'xaỹaxana so nqouagaxainaxaqui' chaqai seuanalo saua rachichi', ca ỹim somachirec. Ca quenauajo tres na'xata', ca' shichi' quirepegue' ñi no'ueenaxanaxaqui quiyim qanqouagaxainot aỹim.

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Isaías 55:4

So'maxare sa'ue na'le yi loma', sauaaque ỹa'qaataxanqajnec quena ỹoreta'oguit qomyipi, quiyim nashi chaqai napaxaguinataxanaq quena qomyipi.

Ezequiel 34:23

Ỹim so'uet quiyim rapil ma'le so ilaatec David só'maq rashii na'le, ca' sano quiyim qaisoota neloxoỹaq cana qagreta, ca so'maxare reloxoỹa'a ma'le na qagretaipi.

Miqueas 5:4

Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

Mateo 2:6

Ca' qami' Belén, ma' qami' viisaugui yi 'laua Judá, ỹaatqajam chalego lecaic ma'le da nemaqajnataxanaxa ma'le caqami', ma' qami' chicqochi'ñi ma'le ca na'gaxala', cá'maq reloxoỹa'a ma'le ná'maq ỹalamaxareteripi llaalqaipi so Israel.

Juan 10:11

Ỹim ná'maq ỹim no'uen qagreta lo'o. Cá'maq no'uen qagreta lo'o ỹaanec da nachaalataxac cana qagretaipi.

Hebreos 2:10

Ma' ñi qota'a lalamaxaret ná'ogue nanchaqaina 'ue, chaqai chaqai chicqo'ot ñi'maxare. Ca' ñi qota'a ỹahotaque quiyim ná'ogue na llaalqaipi nouanau'a da lauaq. Ca vichiguiño' ñi'maxare naloqojonchiguiñi nqai'en da no'ueenataxac so Jesucristo, só'maq lca'laxala' na'maxare, chicqochigui nqai'en da le'xoric.

1 Samuel 16:1

Ca' ñi qara'gaxala' 'naaco' queso Samuel: —¿Chi laquio' tauec da rachicoxo'e' sauaxat so Saúl? Ma' ỹim tot sa'maxaren quiyim queeta nashi quena Israel. Mo'e', no'xataxachirigui quena aceite aca rocoraxanqachi'i' lasote, ma' sahotaque quirepegue' yi la'a' ñi Isaí quiyi Belén, ma' mashic 'ue ñi ica'acsec quiyim nashi quiyaua llaalqa ñi'maxare.

1 Samuel 18:13

Vichiguiño' noỹootec nqai'en, ca' ỹanagui quiyim la'gaxala' so mil nalliripi. Ca quena' reloqouec chaqai quena' rapil, so'maxare 'auetauec.

1 Samuel 18:16

Qam quiyi Israel chaqai quiyi Judá ỹaatqajam nqo'ta so David, ma' chaqaiso só'maq lashi quena' taauec chaqai quena' rapilo quena' nalauat. (18.17—19.24 So Saúl ỹo'naxañiguit so David aso llaale, ma' ỹahotaque ỹocanac.)

1 Samuel 18:5

Ca' quiyi, ca' re'oq quiyim so David qaica ca lqalanec quená'ogue ná'maq qailarelec queso Saúl, vichiguiño' so Saúl ỹano quiyim la'gaxala' so liỹa nalliripi nalauataxairipi. Ca' dajo ỹaatqajam qaỹa'maxarenta queso nalauataxairipi chaqai so nashillipi queso Saúl.

1 Samuel 25:28

chaqai quiyim sqo quirapeguem anajo relaata'e'. Chaqai ñi qara'gaxala' ỹaatqajam nolliichiguiñi qami' chaqai quiyim nashillipi na qachaalaxai'ipi ma'le, ma' ỹaatqajam loquiseguelec ñi qara'gaxala', chaqai da nachaalataxaqui' qaica ca ỹovira'a se no'uen.

1 Samuel 25:30

Ca' chaqaida 'neeta ma'le ma' ỹovita quiyim ñi qara'gaxala' ipaquichigui nqai'en ná'ogue ná'maq lo'yaxanec ỹa'xatem qami' na'le, ca' ỹano ma'le qami' quiyim qami' lashi na llaalqaipi so Israel,

1 Samuel 9:16

—Ma' nete'e ma' chaqaiyi ñiichi'ñi añi ra'aasa, ca ñila' ca ỹale chicqa'a yi 'laua Benjamín. Ca' chaqaica cá'maq cochirelec ma'le quiyim vite lashi na ỹalamqateripi, ná'maq llaalqaipi so Israel. Ca' chaqaica cá'maq nca'laxatec ma'le queda lelaataxanaxac na filisteoipi. Ma' ỹim ỹaatqajam 'ue da i'xorenataxanaxa na' noviro'ot aỹim da lashiilaxanaxac.