2 Samuel 23:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' vichiguiño' chaqai 'neetari' ma'le na ỹaalqaipi sqai ca'e ñi qota'olec, ma' ñi'maxare ỹo'uet na'le da qana'maqataxac sqaica lqodoc, ca da'maxare ỹaatqajam ỹa'maqachiguiñi chaqai se qaỹadalaxat. Ca ñi'maxare ỹaatqajam nañaañim quiyim ỹaatqajam 'ue na ỹoxonec chaqai ipacqajanchigui ná'ogue ná'maq sahotaque.

2 Samuel 23:5 Iomraidhean Croise

Génesis 9:16

Ca ma' so qoñi'gue re'oq, ca ỹim so'leente'te ma'le dá'maq ña'deenaxac sqaica lqodoc so'uet na'le quená'ogue na qom chaqai quená'ogue na isecỹac hueetalec ana 'laua.

2 Samuel 12:10

Ma' qami' se na'xaỹaxañiriua' na' huootaxañira'gue añi loua so Urías hitita le'ec quiyim coñita roua'e', vichiguiño' na nalauataxaua'e'ipi sqai ỹaxanec ma'le quiyim co'ueeteguelec na qachaalaxai'ipi.

2 Samuel 18:14

Ca' so Joab 'naaco': —¡Negue' quet cá'maq yishaaque quiyim yimeeta'piguit qami'! Ca' so'maxare ỹaconalo saua tres laquil, ca' ỹa'deu'a añi le'taxanata so Absalón, ma' ñaq nca'leetauec na' neetaguilo naua lqasaguiachi' ada qo'paq encina.

2 Samuel 7:12

Chaqai ma' ỹovita ca lqodoc aca rqauaxagui'i' ma' rillivi', ca' ỹim sano queda ro'ueenataxanaxaqui' ca 'óna quena qachaalaxai'ipi, ca' ca'maxare sano quiyim nashi.

2 Samuel 7:18

Co'na'le, ca' so nashi David inoxono, ma' ỹahotaque qara'qaachigui quiñi qara'gaxala' quiyim retaqa. Ca 'naaco': —Qami' ỹa'gaxala', ¿negue' na' ỹim, chaqai negue' ná'maq ỹaalqaipi quiyim yoviraqchira'ñi najo?

1 Reyes 1:5

Ca co'na'le, ca' so David llaalec leenaxat Adonías, ca' aso late'e leenaxat Haguit, so'maxare ỹanñi na lo'goxonaxat, ca' nachajñi, ca 'naac quiyim chaqaiso só'maq nashi. Ca' ỹa'ue ana nalauataxaqui nahoglena chaqai na laloipi shipiguiripi, chaqai ỹa'ue so cincuenta ỹalliripi quiyim reloqota'a so'maxare.

1 Reyes 11:38

Ca no'm na'xaỹaxañite' quená'ogue ná'maq selachiraxalec, chaqai 'maxachichiriñi cá'maq ro'ueenataxanaxaqui' caỹim, chaqai quiyim ipaquichigui nqai'ñi' na ỹaqataxaquipi, na ilaataxanaxaquipi, 'nejem nqai'ñi' dá'maq 'ne'tegue na'le so ilaatec David, ca' qami' iỹaatac, ca' qaica idaxan nqaishin quiyim nashi ma'le ca qachaalaxai'ipi, 'nejem dá'maq shi'ntegue na'le queso David, ca' saanem qami' ma'le quiyim loqoira'a ná'ogue na Israel.

1 Reyes 12:14

Ca' ỹopilaxachichigui quiyim 'naac dá'maq qohinapego' na'le queso ne'naqaipi, 'naaco': —So ita'a Salomón ỹaatqajam resalli dá'maq inaxalgoto qamiri na'le, qam ỹim paguec lesallaxa nqaishin dá'maq senaxalgoto qamiri. Chaqai no'm ỹouaxane' qamiri, ỹodoota'alo ca ñic, qam ỹim soda'alo qamiri ma'le ca nouaxanaxanaxat 'ue ca lo'losec lecat lahi.

Salmos 27:4

'Oonoqui' cá'maq sashiilaxantaque quiñi qara'gaxala', qaicaata yishiitaque: Quiyim seuetaugui añi no'ueenaxanaxaqui quiñi qara'gaxala' quenaua'que naua na'xata' quiyim yca'leetauec, qaiyi ñqouagaxaintacot seuetaugui añi no'ueenaxanaxaqui chaqai sa'ajantac da loyac.

Isaías 11:1

Ca' sojo loỹo chaqaiso so Isaí chicqochigui ma'le aca llaxataxai; ca dalaxai ñaxashiguim chicqochi'ñalo saua lpa'yii.

Isaías 54:10

'Eno'm ana qa' ladocai nqo'in ỹoỹoota'a ca loma' chaqai naua quemaralgoto taari'nquira, qam dá'maq iqo'iichi caqami' se nadalaxat chaqai se nqo'ñiñi dá'maq qana'deenaxac queda no'daxa. Dajo 'naac ñi qara'gaxala' ñí'maq 'ue da lqouagaxa caqami'. (54.11-17 Yí'maq dalaxaic Jerusalén.)

Isaías 55:3

Naguipegue' aỹim, ca' na'xaỹaxañii, ỹaatqajam na'xaỹaxañii'ta aỹim, ca' rca'lliiuec. Ca sa'ue ma'le da ña'deenaxac caqamiri sqaica lqodoc, ca ipaquichiguilo ma'le naua sachaxanta'pe na'le queda i'xorenataxanaxa queso David.

Isaías 61:8

Ma' ñi qara'gaxala' nqo'ta dá'maq ỹa'maqachiguiñi, ca' se nqo'ta da nocataxac chaqai da nalauataxanaxac. Ca' ñi'maxare ỹaatqajam ỹaqamaxateta ỹaanem aca nishiuete na lalamaxareteripi, ca ỹa'ue ma'le ca na'deenaxac quenaua'maxare sqaica lqodoc.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Hechos 13:34

Ñi qota'olec ỹachaxan quiyim liỹa nca'laxatec so Jesús, qaiyi so loshicmaxa ỹochiỹau'a quiyim tot no'uen, na' 'naac quiyi naneretañi na'qaatec: “Saanema qamiri ma'le dá'maq no'uen na'maxa, dá'maq shinac saanem so David.”

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Hebreos 6:19

Dajo qanaquitaxac chaqaida dá'maq ra'ñichiguiñi chaqai nolliichiguiñi da qanachaalataxac, 'nejem aca nollaañi aca qom lahi' huaxaỹaqse. Dajo qanaquitaxac que'eentau'a cá'maq pa'aauo queca lapoxot aca no'ueenaxanaxaqui neeta'gue da piguim,

1 Samuel 25:28

chaqai quiyim sqo quirapeguem anajo relaata'e'. Chaqai ñi qara'gaxala' ỹaatqajam nolliichiguiñi qami' chaqai quiyim nashillipi na qachaalaxai'ipi ma'le, ma' ỹaatqajam loquiseguelec ñi qara'gaxala', chaqai da nachaalataxaqui' qaica ca ỹovira'a se no'uen.