2 Samuel 23:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' najo ná'maq pa'aatec la'qaatqaipi so David, 'neetasa': Najo David llaalec so Isaí, ná'maq ỹale ná'maq ñi qota'olec ỹo'uet da lemaqachic, ná'maq nashi lca'acsec ñi qota'olec ñí'maq la'gaxala' na'le so Jacob, ná'maq qaica nqai 'nejem lemaqachic quena' ỹo'uen na lo'ueenqaipi taỹaugui na llaalqaipi so Israel, na'maxare 'neetasa' da la'qaatec:

2 Samuel 23:1 Iomraidhean Croise

Génesis 49:1

Ca' so Jacob roỹaxane'oga so llaalqaipi, ca 'naaco' quesaua'maxare: —Nqo'ñiiuo caỹim, qaiyi sa'xatema qamiri dá'maq ñaqa naataho viriỹau'a ma'le:

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Amós 6:5

Pi'chiigui ana npe'te sqa ỹaataxa'uegue ca liviigaxanaxac, denaxachitac so David chi lo'ueenatec na liviiguellipi.

Lucas 20:42

Ma' so David 'ne'tegueyi da la'qaatec naneretañi cana lere leenaxat No'ueenqaipi, 'naaco': Ñi qara'gaxala' qota'a 'naapega ñi ỹa'gaxala', 'naaco': “Nqa'xañiriñi quena ỹoic,

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

Santiago 5:13

No'm 'ue ca 'óna caqamiri no'm 'ue ca nauateta'piguit, ca' nqouagaxain. Chaqai no'm ỹa'maqachiguiñi, ca ro'ueenaxantac, imaqachintac ñi qota'a.

1 Samuel 17:12

Ca 'uo' so ỹale na'ñi yi Belén, leenaxat Isaí, co'na' ñaq nashi so Saúl. Ca so'maxare mashic qo'xoỹom, so'maxare 'vio' saua ocho llaalqa, ca' so 'óna quesaua'maxare chaqaiso' so David.

1 Samuel 18:7

Ca co'na' ro'ueenaxantagui chaqai rasotetac so 'aallipi, ỹopilaxateta'gue da la'qaatec, 'naaco' quen: Mil qomyipi so ỹalauat so Saúl, chaqai diez mil so ỹalauat so David.

1 Samuel 2:10

Ñi qara'gaxala' lahiletajlec nqai'en na npa'guenaxauaripi, chicqo'ot nqai'en na piguim aca soxonaxa, ca nouaxañi'ña nqai'en na'maxare. Ñi qara'gaxala' imit ma'le ná'ogue na hueetalec na 'laua; ca' ỹaanem ca lquesaxanaxa cá'maq lca'acsec quiyim nashi, ca nqo'naxatec da lquesaxanaxa.