Biblia Todo Logo
Bìoball air-loidhne

- Sanasan -




2 Samuel 19:8 - La'qaatqa ñi qota'olec Qota'olec & Qota'olec Novita Na Qomyipi

8 Ca co'na'le, ca' so nashi ne'laxashiguim, ca' nqa'xanñi quiñi lasom yi na'a'. Ca co'na' qaỹa'den quesá'ogue só'maq neetaugui yi na'a' quiyim so nashi nqa'xantañi quiñi lasom, ca sá'ogue so qomyipi quepegue' lapoỹau'a. Qam mashic ime quiyim sá'ogue so llaalqaipi so Israel pila'alo naua la'aate'.

Faic an caibideil Dèan lethbhreac




2 Samuel 19:8
10 Iomraidhean Croise  

Ca co'quena' nete'etam, ca no'teetashiguim, ca' quepegue' so lahi so nayic quiyi ñigo quiyi na'a' lodegaxat. Ca ná'ogue ná'maq noviretapegueu'a so nashi quiyim qaỹa'maxajñi ca nco'uaxac, ca so'maxare roỹaxana'pegue', ca' inat negue' ca chicqa'a quena na'aateripi. Ca' ca qom no'm 'naac quiyim chi lauo' le'ec na llaalqaipi so Israel,


Co'na'le, ca' qaiconot so Absalón, ca' qainaxa'ñigui aso tema late'ogue' naugui yi 'oochi. Co'na'le, ca' qalapoonlec so 'xoic qa'. Ca na' ime, ca' so llaalqaipi so Israel 'eet, i'guena'alo naua la'aate'.


Ca' so David nqa'xantaño' neetañiguilo saua lasomi', 'óna so pa'aauo chaqai so liỹa pa'aauec quiyí'maq ñigo quiyi na'a'. Ca' so na'ajnaxanqajnec hueetalec na lelaq so pa'aashiguim quesó'maq lquepaqataxanaxat yi na'a'. Ca co'na' quenoxon so'maxare, ca' iuañi'chiguit so ỹale 'oonoqui' ne'guenta.


Ca' so nashi 'naaco': —Ajá'a, ỹim so'uet cá'maq 'maxariñita qamiri. Ca chaqa'ma' huaxau'a na lahi so lasom, ñigo quiyi na'a'. Ca na' so nalliripi inoxontapeguec, 'ue na mil chaqai 'ue na cien ỹalliripi.


Ca' sojo alliripi ỹaatqajam nañoxochichiguiñi na' ỹovira'a yi na'a'. So alliripi taatau'a yi'maxare, qam nayiloxontaho, 'ec ná'maq 'eetaxaiquipi qohit queca lauatqa'.


Ca co'na' mashic sham inoxonñi aca ra'aasa, ca qaỹa'ue la'xaỹaxac so nalliripi, qohinaco': —¡Quiñi 'óna pila'a ca la'a' quecá'maq chi na'laua,


Ca co'na'le, ca' so filisteoipi nalauate'e', ca loxonec so Israel llaalqaipi. Ca so'maxare 'eet, i'guena'a yi nco'matqa'. Ca' ỹaatqajam qanalauajñi so qomyipi, ma' so co'ỹaaxaiquipi queso nalliripi so Israel llaalqaipi treinta mil so qomyipi ileu.


Lean sinn:

Sanasan


Sanasan