2 Samuel 19:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so Joab quepegue'o' yi la'a' so nashi, ca 'naapego': —Qami' qarashi, chaqai viisaque na layiloxo ná'ogue na relaataxai'ipi ná'maq nca'laxatec qami' nagui, chaqai na qachaalaxai'ipi, chaqai na qachaalli'ipi, chaqai rouachi'ipi, chaqai ana reloxoỹaxanata'e'ipi.

2 Samuel 19:5 Iomraidhean Croise

2 Samuel 15:30

Ca' so David queeto'ot na lahi aso quemaralec ladocai nananaxalate ana 'olivo; ca so'maxare eec, qam qaicaua caua lapelate', chaqai noỹenta'pegue', chaqai ỹapootalec na lqahic queda nqui'ic. Chaqai sá'ogue so liỹaatac qomyipi qai'neeta ỹapootalec na lqahic chaqai noỹenta'pegue'.

2 Samuel 18:17

Co'na'le, ca' qaiconot so Absalón, ca' qainaxa'ñigui aso tema late'ogue' naugui yi 'oochi. Co'na'le, ca' qalapoonlec so 'xoic qa'. Ca na' ime, ca' so llaalqaipi so Israel 'eet, i'guena'alo naua la'aate'.

2 Samuel 19:13

Chaqai selaataxan quiyim qohinapega ca Amasa quiyim ỹim shinac qami' ỹaatqajam qami' idamshaxaua. Ca' vichiguiño' nagui chaqa'ma' sano qami' quiyim qami' lashi na ñalliripi, sana'ñi qami' yi loma' na'le so Joab. Ca no'm se ipaguigui nqaishin da ỹa'qaatec, ca' ñi qara'gaxala' ỹa'ue ma'le ca ñouaxanaxaset.

2 Samuel 19:4

Qam so nashi ñaqai queetalec ỹapootagui na lashic, ca' naualqategueñi 'neeta'guesa': —¡Absalón, ỹaalcolec! ¡Absalón, ỹaalcolec, ỹaalcolec!

2 Samuel 19:6

Qami' qarashi, nagui, ca' choxochi' quiyim qaica ca vi'raque na rotaua'e' nashillipi, ma' paguec 'xoriñi' ná'maq qami' loquiiaxat chaqai roquiiaxachi' ná'maq re'xoriñi'sac. Ca' ỹim nagui yitan quiyim qami' qarashi paguec quet la'maxa nqai'ñi' quiyim nca'leetauec so Absalón, ca 'enquetqai qomá'ogue qarimiichiguiñi.