2 Samuel 19:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' dajo la'qaatec sá'ogue so llaalqaipi so Israel chi noquiiquetauec, chi ỹovireta'a na' qaỹa'den queso qomyipi neeta'ñi yi la'a' so nashi David. Co'na'le, ca' so nashi ilata da la'qaatec saua netaxaỹaxanqajanqa Sadoc chaqai so Abiatar, 'neetasa': —Qamiri taxaỹa'pegue' ma'le na lashillipi na llaalqaipi so Judá. Ca 'ñiỹapega quiyim chi'negue ma' qaua' 'naac quiyim sopila'a ñí'maq iuo' 'imec lodegaxat.

2 Samuel 19:11 Iomraidhean Croise

2 Samuel 15:29

Ca' so Sadoc chaqai so Abiatar ỹopilaxatero aso lahite' saua laqataxaco ñi qota'a quiyi Jerusalén, ca chaqa'ma' nera'anyi.

2 Samuel 18:14

Ca' so Joab 'naaco': —¡Negue' quet cá'maq yishaaque quiyim yimeeta'piguit qami'! Ca' so'maxare ỹaconalo saua tres laquil, ca' ỹa'deu'a añi le'taxanata so Absalón, ma' ñaq nca'leetauec na' neetaguilo naua lqasaguiachi' ada qo'paq encina.

2 Samuel 18:15

Ime, ca' so diez nalliripi so Joab lapoỹau'a so Absalón, ca' ỹaatqajam ỹaqamaxateta ỹalauat.

2 Samuel 19:10

Ca' so Absalón só'maq sanaxauo na'le quiyim qarashi, qam so'maxare ileuaugui so lauataq. Ca ¿negue' quet cá'maq ñauaanqataque quiyim rapil nqaishinaq ca qarashi David?

Mateo 5:16

Ca' chaqaida 'neeta nqai'ñii da no'ueenataxaguii, ỹaatqajam ỹaviquetauguilo nqai'ñii' naua rcoỹeraxanaxaquillii, qaiyi coỹarelec na qomyipi, qaiyi na'maxare iuana ma'le dá'maq 'viichitac ỹa'maqachiguiñi, qaiyi na'maxare imaqachin ma'le ñi qota'olec ñí'maq viilec neeto'ot na piguim.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

2 Tesalonicenses 3:9

Mesqaida quiyim sque'guenqateguelgoto qamiri quiyim qarotauañii. Qaidaata quiyim so'ueenataxanaq, ma' sahoqotaque quiyim quiijlec dá'maq qano'ueenataxac.