2 Samuel 19:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so Absalón só'maq sanaxauo na'le quiyim qarashi, qam so'maxare ileuaugui so lauataq. Ca ¿negue' quet cá'maq ñauaanqataque quiyim rapil nqaishinaq ca qarashi David?

2 Samuel 19:10 Iomraidhean Croise

2 Samuel 15:14

Ca co'na'le, ca' so David 'naaco' quesó'maq nashillipi ñaqai neeto'ot so'maxare quiyi Jerusalén, 'naaco': —¡Nagui chaqa'ma' seetaq, ma' no'me' se qohite' qomi' queca Absalón! ¡Qolaq, riỹallitac, 'ase' no'm ỹoviroxolec, ca' 'xoic ma'le ca ileu, chaqai qaỹalauat ná'maq neeta'ñi na na'a'!

2 Samuel 15:16

Ca' chaqaida 'neeto' na'le na' so nashi liỹaatec sá'ogue so llaalqaipi, ca' po'aane' saua diez leloxoỹaxanata quiyim reloxoira'a ñi 'imec lodegaxat.

2 Samuel 18:14

Ca' so Joab 'naaco': —¡Negue' quet cá'maq yishaaque quiyim yimeeta'piguit qami'! Ca' so'maxare ỹaconalo saua tres laquil, ca' ỹa'deu'a añi le'taxanata so Absalón, ma' ñaq nca'leetauec na' neetaguilo naua lqasaguiachi' ada qo'paq encina.

2 Samuel 19:11

Ca' dajo la'qaatec sá'ogue so llaalqaipi so Israel chi noquiiquetauec, chi ỹovireta'a na' qaỹa'den queso qomyipi neeta'ñi yi la'a' so nashi David. Co'na'le, ca' so nashi ilata da la'qaatec saua netaxaỹaxanqajanqa Sadoc chaqai so Abiatar, 'neetasa': —Qamiri taxaỹa'pegue' ma'le na lashillipi na llaalqaipi so Judá. Ca 'ñiỹapega quiyim chi'negue ma' qaua' 'naac quiyim sopila'a ñí'maq iuo' 'imec lodegaxat.

2 Samuel 19:40

Ca' so nashi eec quepegue' yi Gilgal, nauequeta'pegue' so Quimam, chaqai sá'ogue so ỹalliripi llaalqaipi so Judá chaqai 'uo' ca lavinñi na llaalqaipi so Israel. (19.41—22.51 So David qaipa'guen quiyi Israel qai'neeta 'ue da nqopaaxa, pa'guenaxac chaqai lauataq. Qam so David rauegaxan quená'ogue ná'maq se no'uen.)

2 Samuel 19:9

Chaqai quesá'ogue so llaalqaipi so Israel so qomyipi ỹaatqajam retaxaỹata', 'naaco' quen: —Ca qarashi David ro'ootaxanlgoto qomi' na'le queso qanpa'guenaxaua filisteoipi, qam queso Absalón, ca' ca'maxare 'eet, ca'e na qara'a'.