2 Samuel 19:1 - La'qaatqa ñi qota'olec Qota'olec & Qota'olec Novita Na Qomyipi

^1-2 Ca co'na' so qomyipi ỹa'den quiyim so nashi 'xoic da noỹenaxac chaqai naualqategueñi queda lelauaxa so llaalec Absalón, ca' qaỹa'ue la'xaỹaxac so Joab. Ca' chaqaida 'neeto' queso na'xa'a quiyim da loxonaxanaxac so ỹalliripi ñigui da nachicoxo.

2 Samuel 19:1 Iomraidhean Croise

Génesis 37:35

Ca sá'ogue so llaalqaipi chaqai so llaallipi ỹahotaque quiyim lo'yigui lauel so'maxare. Qam so'maxare se ỹa'maxaren qaicochaq. Lama'xa noỹenteguelec da na'laxac so llaalec. Ca 'naaco' da la'qaatec: —Ỹim se seshit ñaqate' naua ỹoho ỹasouaxaqui', chi ỹovireto'o' quiyim llapoo'guit queca loma' na lqui'i na leuaxaiquipi.

2 Samuel 18:12

Qam sojo ỹale 'naaco' queso Joab: —'Enquet nañaañi' aca mil chiróla, qam sqai shine'tegue dajo ca llaalec ñi qarashi. Ma' qomi' sa'xaiqa'ta ñi qarashi na' qatetapega qami', so Abisai chaqai so Itai quiyim 'ootaxañirelec so ne'nec Absalón.

2 Samuel 18:14

Ca' so Joab 'naaco': —¡Negue' quet cá'maq yishaaque quiyim yimeeta'piguit qami'! Ca' so'maxare ỹaconalo saua tres laquil, ca' ỹa'deu'a añi le'taxanata so Absalón, ma' ñaq nca'leetauec na' neetaguilo naua lqasaguiachi' ada qo'paq encina.

2 Samuel 18:20

Qam so Joab 'naaco' queso'maxare: —Qami' sqa 'ichiguit quiyim do'e' nagui ca na'xaỹaxac, qam sqoue ca liỹa na'xa'a. Qam nagui 'e', ma' mashic ileu so llaalec ñi qarashi.

2 Samuel 18:33

Ca' so nashi ỹaatqajam se nalo'guit da la'deenataxanaxac. Ca taashi'ma so 'imec pa'aashiguim queso lasom, ca' ỹaatqajam naualqategueñi. Qam co'na' ñaqai taatashi'ma so 'imec, ca' retaqata'pegue', 'naaco': —¡Absalón, ỹaalcolec! ¡Absalón, ỹaalcolec! ¡Saxanchi' aỹim spa'a'guit da relauaxa'e'! ¡Ỹaalcolec Absalón, ỹaalcolec!

2 Samuel 18:5

Chaqai so nashi ỹa'ue da laqataxac queso Joab, so Abisai chaqai so Itai, quiyim ra'iitagui da la'qaatec so'maxare quiyim qaica nqovinegue so ne'nec Absalón. No'm qanaqajñi, ta'ta'a quiyim chi qaineequesentac. Ca' sá'ogue so nalliripi 'qaachigui da la'qaatec so nashi na' qateteguelec so llaalec Absalón quesaua la'gaxalate' so nalliripi.