2 Samuel 17:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' so Absalón chaqai sá'ogue so llaalqaipi so Israel ỹa'maxarenta da la'qaatec so Husai, ma' sqai 'nejem da la'qaatec so Ahitofel. (Ma' ñi qara'gaxala' chaqai 'negue quiyim se ipacqajñigui da 'maxaraic na'deenaxac so Ahitofel, ma' ỹahotaque quiyim taalec nqai'en dá'ogue dajo so Absalón.)

2 Samuel 17:14 Iomraidhean Croise

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

2 Samuel 15:31

Ca co'na' qara'qaataxana so David quiyim so Ahitofel na'deenta'pegue' so Absalón, ca' so David nqouagaxainot ñi qara'gaxala' qota'a quiyim se ipaguigui nqai'en da la'qaatec so Ahitofel.

2 Samuel 15:34

Qam no'm pillira'a yi Jerusalén, ca ma' vichiro, ca 'ñiraco' queca Absalón: “Qami' ỹashi, nagui, ca' ỹim relaachiqui', 'nejem dá'maq shintari' na'le queso qataa'i'.” Ca' quiyi ma'le, ca' shichi' yotauañi' quiyim sogui dá'maq ỹahotaque so Ahitofel.

2 Samuel 16:23

Ma' quesauajo na'xata' quiyim qaỹashiila so Ahitofel queca la'qaatec, qam 'ec qohinta'gue ca qota'olec la'qaatec ca'maxare. Ca' se qanapacalec ca la'qaatec so Ahitofel queso David chaqai so Absalón.

Nehemías 4:15

Ca' so qanpa'guenaxauaripi na' ỹa'den quiyim ña'maxatqatañi chaqai ñi qota'olec ichoxot ná'maq na'deenaxaquipi, ca' qomá'ogue sopilaxa so napoxonaxat, ca' quiñi 'óna quelec cá'maq chi lo'ueenatec.

Éxodo 9:16

Qam ñca'laxachisauec, qaiyi huañita da iquesaxanaxa, ma' sahotaque qaỹa'den quená'ogue na 'laua.

Amós 9:3

Chaqai no'm nanoxojñi quena lo'lo ada qa' ladocai Carmelo, qam qaiyiita shicshi'ma ma'le; chaqai no'm nañoxojñi quena lauajñi aso huaaxai, ca sela' ma'le so isecỹac lodegaxat huaxaỹaqsec quiyim quepegue', ca ỹopoxoỹaxateta;

Lucas 16:8

Ca' so na'co' retan so se no'uen lelaatec, quiyim so'maxare se ỹouene'te ca 'ne'tegue ca lo'ueenataxanaxac. Ma' 'eda da 'neeta quena hueetalec na 'laua, ma' na'maxare ỹaatqajam se qalana'a quiyim 'ue ca 'ne'tegue queca liỹa, sqai 'nejem ná'maq hueetaugui ná'maq re'qoochiguiñi.

1 Corintios 3:19

Ma' na na'deenec huelec najo 'nejem ca 'ec mogollishic nqai'en ñi qota'a. Ma' naua nerecse' na'qaatqa 'nerac: “Ñi qota'a ỹo'uet quiyim chi noqoinalta' nqai'en na 'deenaxanqachaqaiquipi queda chi lco'ỹaxaric.”