2 Samuel 16:23 - La'qaatqa ñi qota'olec Qota'olec & Qota'olec Novita Na Qomyipi

²³ Ma' quesauajo na'xata' quiyim qaỹashiila so Ahitofel queca la'qaatec, qam 'ec qohinta'gue ca qota'olec la'qaatec ca'maxare. Ca' se qanapacalec ca la'qaatec so Ahitofel queso David chaqai so Absalón.

2 Samuel 16:23 Iomraidhean Croise

2 Samuel 15:12

Ca' so Absalón 'uo' so relaataxana'a queso lotauaripi so David, ca' so leenaxat Ahitofel, so'maxare na'ño' yi na'a' Gilo, roỹaxana quiyim coỹa' so'maxare quiyim ỹavigaxat aso lachitaxanataxanqate. Co'na'le, ca' da npa'guenaxac noquiiquetauec, ca nqo'neetauec só'maq queeta'pegue' so Absalón.

2 Samuel 15:31

Ca co'na' qara'qaataxana so David quiyim so Ahitofel na'deenta'pegue' so Absalón, ca' so David nqouagaxainot ñi qara'gaxala' qota'a quiyim se ipaguigui nqai'en da la'qaatec so Ahitofel.

2 Samuel 17:1

Co'na' ime, ca' so Ahitofel 'naaco' queso Absalón: —'Maxariñite' quiyim llapoonta' ca doce mil quiyim ñalliripi, ca' chaqaina na pe, ca' shic sedaanaque ca David.

2 Samuel 17:14

Ca' so Absalón chaqai sá'ogue so llaalqaipi so Israel ỹa'maxarenta da la'qaatec so Husai, ma' sqai 'nejem da la'qaatec so Ahitofel. (Ma' ñi qara'gaxala' chaqai 'negue quiyim se ipacqajñigui da 'maxaraic na'deenaxac so Ahitofel, ma' ỹahotaque quiyim taalec nqai'en dá'ogue dajo so Absalón.)

2 Samuel 17:23

Ca co'na' so Ahitofel retan quiyim so na'deenaxac se ipaguigui nqohin, ca' ỹo'uejlec so lalo 'ashin, ca' quepegue' yí'maq na'a' chi ne'xaỹoqsoqo'. Ca co'na' ime na'maxate'e' só'maq chaqai llaalqaipi, ca' chi coñitot na lqosot, ca' chi nalauatalta'. Ca co'na' ileu, ca qaishinñi'ñigui aso lahi' so leta'a.

Salmos 19:7

Da lapaxaguinataxanaxac ñi qara'gaxala' ỹaatqajam lamaxaraic, ma' ỹadalaxat da chaalataxac. Da laqataxac ñi qara'gaxala' ỹaatqajam qamaxaraic, ma' da'maxare ỹo'uet ca la'deenec ca qaica ca ỹa'den.

Jeremías 4:22

Na ỹalamaxaret ỹaatqajam se nouoogoñi, se no'uenegue aỹim —'naac ñi qara'gaxala'—. Ỹaatqajam ñaalqaipi se na'maxat, ma' ỹaatqajam se retanaxan. Ỹaatqajam ỹa'den quiyim ỹo'uet na se no'uen, qam se ỹa'den ỹo'uet ca ỹa'maqachiguiñi.

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Lucas 16:8

Ca' so na'co' retan so se no'uen lelaatec, quiyim so'maxare se ỹouene'te ca 'ne'tegue ca lo'ueenataxanaxac. Ma' 'eda da 'neeta quena hueetalec na 'laua, ma' na'maxare ỹaatqajam se qalana'a quiyim 'ue ca 'ne'tegue queca liỹa, sqai 'nejem ná'maq hueetaugui ná'maq re'qoochiguiñi.

Romanos 1:22

'Eno'm 'naac 'deenaxanqachaqaiquipi, qam qaica quet cá'maq ỹa'den.

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.