2 Samuel 16:12 - La'qaatqa ñi qota'olec Qota'olec & Qota'olec Novita Na Qomyipi

¹² Ma' sqoue quiyim ñi qara'gaxala' ma' iuana da i'xoric, ca' nqouaguic, ñigui nqai'en da ñishiuenaxac sa'qaatapega nagui.

2 Samuel 16:12 Iomraidhean Croise

2 Samuel 16:13

Ca' so David chaqai so nalliripi ñaqai queeta, ca' so Simei qai'neeta queeta huaqataho, queeta'gue da lahi aso quemaralec qa' ladocai, naloqojonta'guit so David, rishiuenaxantac chaqai renaxasoxontapega na qa', chaqai imeetetecshiguim na 'laua lamoxoỹaxa.

2 Reyes 19:4

Sha'apiguito' ñi qara'gaxala' qota'olec 'xaỹalo daua la'qaatqa so lotaua ñi nashi quiyi Asiria, quiyim queetapegueu'a ñí'maq nca'leetauec qota'olec, chaqai sha'apiguito' quiyim ỹouaxan quedá'maq cajo 'naac quiñi qara'gaxala', ñí'maq qota'olec caqami' peeta'a 'xaỹa. Ca' nagui, ca' nqouagaxaiñitot ñi qota'olec quená'maq no'ueenañi.

Proverbios 25:22

ca' queda, ca' ỹoqa'a nqai'ñi' na lashic quena layiloxo, ca' ñi qara'gaxala' rishivichiñi' ma'le.

Joel 2:14

Sqoue se ỹa'ue ca nouaxanaxasete' qamiri, ca nela' ca lqouagaxa caqamiri. Ca ỹa'ue ca lqouagaxanaxat nanecsec ala chaqai na lataxa, ca qaiyi 'ue ca rachitaxanataxanaxachii quiñi qara'gaxala', ñí'maq qota'olec caqamiri.

Romanos 8:28

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

2 Corintios 4:17

Ma' dá'maq qare'xoric queda qanachaalataxac cocho'qui' chaqai sqaỹaloq ime'uegue. Ca' chaqaida dá'maq chicqochigui quiyim noviraqtoxoua' da lauaq sqaica ca lqodoc chaqai ỹapacauec, sqai 'nejem na qane'guenaxaquipi.

Deuteronomio 23:5

Qam ñi qara'gaxala' qota'olec se na'xaỹaxana so Balaam. Ta'ta'a quiyim ñiguit nqai'en só'maq se no'uen la'qaatec so lo'yaxanec la'qaatec caqamiri, ma' re'xoriñii.

Deuteronomio 23:6

Ca' sqai viitaque quiyim nemañiguit chaqai quiyim 'maxachii'tegue na'maxare quenaua'que naua na'xata' quiyim ñaq rca'lliitauec.

2 Tesalonicenses 1:7

chaqai nco'mataxandec qamiri queda ne'guenaxaguii, chaqai qomi' qai'neeta queca na'xa'a ma' novi' so qara'gaxala' Jesús, ma' nachaxan chicqo'ot na piguim, naquetaugui na 'ec norec lauaq chaqai liỹaatac ná'maq chicqashiguim quesaxanaxaiquipi qota'a lelaatqaipi.

Hebreos 12:10

Saua 'auaxaqa re'qoochiguilo qareta'al cocho'qui' ỹapaxaguinque qomi' dá'maq ipeetera'a 'maxaraic 'ueenataxac. Qam ñi qota'a ỹapaxaguinque qomi' dá'maq ỹaatqajam qara'maxa, ma' ỹahotaque co'teete' qomi', shinqatam ñi'maxare co'teeta.

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.