2 Samuel 16:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam so nashi David 'naaco' queso'maxare: —Dajo mesqa 'iỹapegueu'a qamiri, qamiri llaalqa aso Sarvia. No'm da'maxare yishiuen, ca' sqoue qohinapega quiñi qara'gaxala'. Ca no'm chaqaida, ca ¿negue' cá'maq ishit cochaq ñi'maxare quedá'maq ỹo'ueetetac?

2 Samuel 16:10 Iomraidhean Croise

Génesis 50:20

Ma' qamiri se no'uen dá'maq 'ñii'tegue na'le caỹim, qam ñi qota'olec dá'maq se no'uen nimiiñiguit nqai'en da lo'yaxanec dá'maq seuanaxa nagui: ma' ỹahotaco' quiyim nca'laxatec na 'xoic qomyipi.

2 Samuel 19:22

Qam so David 'naaco' quesaua Abisai chaqai so Joab: —¡Dajo sqa 'iỹapegueu'a, qamiri llaalqa aso Sarvia! ¿Chi'negue ma' yquepaxachitac? Ma' nagui, ca' ỹaatqajam sa'deenta quiyim aỹim ná'maq ỹim nashi quena Israel, vichiguiño' nagui quena na'xa'a qaica ca qaỹalauat quena Israel.

2 Samuel 19:23

Ime, ca' ỹalamaxachichigui so Simei, ca 'naaco': —Saanec da ỹa'qaatec quiyim se qaralauachi'.

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

1 Reyes 2:5

Ca' nagui mashic 'yiiñi' dá'maq 'ne'tegue caỹim so Joab só'maq llaalec aso Sarvia. 'Neetasa' dá'maq 'ne'tegue quesaua dos lashil na nalliripi na llaalqaipi so Israel: So Abner só'maq llaalec so Ner, chaqai so Amasa só'maq llaalec so Jeter, sauá'maq ỹalauate' so'maxare ỹaatqajam huaugui nqai'en na'le da neuagaxa, ma' ỹahotaque lovi' só'maq qaỹocoraxata'pe saua leuo' huaugui so lauataq. Ca' so'maxare ỹaatqajam imaxalec aỹim da lalauataxanaxac.

2 Reyes 18:25

Chaqai qai'neeta ¿'ñiisapega quiyim ỹim ñanac, sahotaque ñalauate'e' chaqai ñopoxoỹaxajñi quenajo 'laua na qomyipi, quiyim se lelaataxanaxac ñi ra'gaxalari quiyim ñanaga'a ñalauajñi na qomyipi quenajo 'laua? Ma' ¡ñi ra'gaxalari chaqaiñi ñí'maq ỹamaxailec quiyim ñalauate'e' chaqai ñalauajñi na qomyipi quenajo 'laua!

Job 9:12

No'm 'ue ca icona, ¿negue' quet cá'maq ishit ro'laxana'pegue'? ¿Negue' quet cá'maq ishit inat quecá'maq 'neeta'pegue?

Mateo 16:23

Qam so Jesús naqalgoxoñi, ca 'naaco' queso Pedro: —¡Qami' na'ỹaapec, oquire'e aỹim! Ma' yo'taxachi'sac. Da ra'deenataxanaxaqui' sqai 'nejem da la'deenataxanaxac ñi qota'olec, ta'ta'a quiyim chaqai qom la'deenataxanaxac.

Mateo 8:29

Ca' ỹaualaxai', 'nerac: —¿Chi'negue ma' 'isapegueu'alo qomi', qami' Jesús, qami' llaalec ñi qota'olec? ¿Peeta'a na'itquena quiyim vite ca qanouaxanaxaset quiyim saqa' ỹovita ca laloqo'?

Juan 18:11

Qam so Jesús 'naaco' queso Pedro: —Liỹa pilaxachirigui shichirigui aca lahi' na lecachi'. Ma' no'm ñi qota'a ỹovirau'a nqai'en da ñi'guenaxac, 'ec nqai'en aca naqana chim, ca' ¿se ipaguigui quet nqaishin da'maxare?

Romanos 9:20

¡Qam qami' qom! ¿Negue' queto' aqami' quiyim taxaisa'guit ñi qota'olec? ¿Loqo'm 'ue aca no'xona 'laua ishit 'naapega cá'maq no'xonqo': “Chi'neco' ma' 'ñiiteteco' aỹim dajo na' yo'viichi'?”

1 Pedro 2:23

Co'na' qaishiuentac so'maxare, se rishiuenaxan; co'na' qaỹahotaque da le'xoric, qam so'maxare se ra'xalenataxan. Ta'ta'a quiyim nañaantacot ñi qota'a ñí'maq se ỹo'maac quiyim nimit ca nasauaxaset.