2 Samuel 15:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' mashic ỹim relaachiqui', qami' ita'a, na' ñaqai senta'ñi yi Gesur, huaugui yi 'laua Siria, ca' saanot da ỹa'qaatec ñi qara'gaxala' quiyim no'm ñi'maxare rapilaxat aỹim quena Jerusalén, ca ỹim ñqouagaxainot ñi'maxare.

2 Samuel 15:8 Iomraidhean Croise

2 Samuel 15:9

Ca' so David 'naaco': —Ajá'a, mo'e', qaica ca huapigui qavilli'. Ca co'na'le, ca so Absalón eec, taigue da Hebrón.

Isaías 28:15

Qamiri 'ñiỹac: Qomi' shi'gue ña'deenaxa'e' so nelauaxa, ña'maxataxa'e' só'maq ỹoiquentac na leuaxaiquipi, qaiyi ma' naguelecna ca ne'xoric, ca' se ỹovitalo qomi'; sedaanqaque quiyim ñañoxotaxaugui da na'maachic, se'guenaxaugui da nayinaxanaxac.

Jeremías 42:20

Ca' qamiri nauá'maq ỹaatqajam 'ue da ro'maxaguii lodegaxat, ma' qamiri nauá'maq 'ñiỹac quiyim sashiilaxanlgoto quiñi qara'gaxala' ñí'maq qota'olec caqamiri na' 'ñiỹac shiilaxañirelgoto qomi' quiñi qara'gaxala' ñí'maq qota'olec coqomi', ca' qara'deenaxanaxañitegue cá'ogue cá'maq 'naac ñi'maxare, ca' qomi' so'ueetaq ma'le.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.

1 Samuel 16:2

Ca' so Samuel 'naaco': —¿Negue' cá'maq shinta'co' quiyim shic? ¡Ma' no'm ỹa'den ñi Saúl, ca yalauat! Ca' ñi qara'gaxala' 'naaco': —Coñira'a aca huaqui llaale, ca' 'ñirapega quiyim qami' qui' 'ỹaañitot aỹim aca rachitaxanataxanqachi'i'.