2 Samuel 15:2 - La'qaatqa ñi qota'olec Qota'olec & Qota'olec Novita Na Qomyipi

² Ca co'quena' nete'etam, ca no'teetashiguim, ca' quepegue' so lahi so nayic quiyi ñigo quiyi na'a' lodegaxat. Ca ná'ogue ná'maq noviretapegueu'a so nashi quiyim qaỹa'maxajñi ca nco'uaxac, ca so'maxare roỹaxana'pegue', ca' inat negue' ca chicqa'a quena na'aateripi. Ca' ca qom no'm 'naac quiyim chi lauo' le'ec na llaalqaipi so Israel,

2 Samuel 15:2 Iomraidhean Croise

Génesis 34:20

ca' so'maxare chaqai so leta'a Hamor que', querepegue' ñi lasom ñigo quiyi na'a' yí'maq hua'ño' quena' 'ue da qaretaxaỹapigui. Ca' yí hua'ño' na' retaxaira'pegue' so qomyipi la'aayaxauaripi, 'neraco':

2 Samuel 19:8

Ca co'na'le, ca' so nashi ne'laxashiguim, ca' nqa'xanñi quiñi lasom yi na'a'. Ca co'na' qaỹa'den quesá'ogue só'maq neetaugui yi na'a' quiyim so nashi nqa'xantañi quiñi lasom, ca sá'ogue so qomyipi quepegue' lapoỹau'a. Qam mashic ime quiyim sá'ogue so llaalqaipi so Israel pila'alo naua la'aate'.

Mateo 27:1

Ca co'na' richiguiñi, ca sá'ogue so lashi na netaxaỹaxanqajanqaipi chaqai so lqo'xonqaipi na judioipi mashic na'deenta' quiyim ỹa'ue ca la'maqa' quiyim qaỹalauat so Jesús.

Rut 4:1

Ca co'na' shi'gom queso na'xa'a, ca' so Booz eec quepegue' yi ñigo quiyi na'a', ca' nqa'xanñi quiyi lapooqo'o' quen na qomyipi. Ca co'na' que'tegueyi so liỹa lauo' le'ec só'maq 'neetapego' so Booz, ca 'naaco' so Booz: —Vei, ỹala'e' quenajo, nqa'xanyiñi. Ca só'maq lauo' le'ec eec, ca' nqa'xanñi.