2 Samuel 15:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' so Absalón 'uo' so relaataxana'a queso lotauaripi so David, ca' so leenaxat Ahitofel, so'maxare na'ño' yi na'a' Gilo, roỹaxana quiyim coỹa' so'maxare quiyim ỹavigaxat aso lachitaxanataxanqate. Co'na'le, ca' da npa'guenaxac noquiiquetauec, ca nqo'neetauec só'maq queeta'pegue' so Absalón.

2 Samuel 15:12 Iomraidhean Croise

2 Samuel 15:31

Ca co'na' qara'qaataxana so David quiyim so Ahitofel na'deenta'pegue' so Absalón, ca' so David nqouagaxainot ñi qara'gaxala' qota'a quiyim se ipaguigui nqai'en da la'qaatec so Ahitofel.

2 Samuel 16:15

Ca co'na' so Absalón ỹovira'a yi Jerusalén, liỹaatac sá'ogue so llaalqaipi so Israel chaqai so Ahitofel.

2 Samuel 17:14

Ca' so Absalón chaqai sá'ogue so llaalqaipi so Israel ỹa'maxarenta da la'qaatec so Husai, ma' sqai 'nejem da la'qaatec so Ahitofel. (Ma' ñi qara'gaxala' chaqai 'negue quiyim se ipacqajñigui da 'maxaraic na'deenaxac so Ahitofel, ma' ỹahotaque quiyim taalec nqai'en dá'ogue dajo so Absalón.)

2 Samuel 17:23

Ca co'na' so Ahitofel retan quiyim so na'deenaxac se ipaguigui nqohin, ca' ỹo'uejlec so lalo 'ashin, ca' quepegue' yí'maq na'a' chi ne'xaỹoqsoqo'. Ca co'na' ime na'maxate'e' só'maq chaqai llaalqaipi, ca' chi coñitot na lqosot, ca' chi nalauatalta'. Ca co'na' ileu, ca qaishinñi'ñigui aso lahi' so leta'a.

1 Reyes 21:12

Ca' ỹo'viichiñi quiyim nqopaaqachit so qomyipi, ca' qanqa'xanaxanñi so Nabot, reloqotougui nqohin so qomyipi.

1 Reyes 21:9

Ca' da hueesalec saua lerel 'neetasa': O'viichiñi quiyim nqopaaqachit na qomyipi, ca' nqa'xanñi nqai'ñii ca Nabot, ca' chaxañiugui na qomyipi.

Números 23:1

Co'na'le, ca' so Balaam 'naaco': —No'xoñirishiguim quenajo caua ỹouena siete ncopatoxonaxalate, chaqai 'maxachisañi caua siete huaqui llaalqa chaqai caua siete qagreta louaari.

Números 23:14

Ca' so Balac ỹauega so Balaam yi no'ueenaxa nquenoxonqa' quena roto ada qa' ladocai leenaxat Pisga. Hua'ño'yi na'le, ca lotqai liỹa no'xonshiguim saua siete ncopatoxonaxalate, ca lotqai illaalec ca 'óna huaqui llaalec chaqai 'óna qagreta cañi 'óna ncopatoxonaxalate.

Números 23:30

Ca' so Balac ỹo'uet dá'maq 'naac so Balaam. Ca' cañi 'óna ncopatoxonaxalate illaalec ca 'óna huaqui llaalec chaqai ca 'óna qagreta.

Juan 13:18

Dá'maq sa'xatetac mesqai taỹaugui qamiá'ogue, ma' ỹim sa'deene' cauá'maq ñca'au'alo. Qam ipaquichigui ma'le dá'maq 'nerac yaua naneresañi na'qaatqa: “Cá'maq iqui'ỹaxaua, ca lotqai ñpa'guenaxaua.”

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.