2 Samuel 12:9 - La'qaatqa ñi qota'olec Qota'olec & Qota'olec Novita Na Qomyipi

⁹ ¿Chi'negue ma' liỹoqoira'piguit da ỹa'qaatec, ca 'viichi' dá'maq se yqo'ta? Ca' lauachi' so Urías so hitita le'ec na' 'ỹaañiro quiyim qaỹalauat queso llaalqaipi so Amón, ca' loqoichiguit añi loua.

2 Samuel 12:9 Iomraidhean Croise

2 Samuel 11:4

Co'na'le, ca' so David ỹa'vii saua lelaatqa quiyim qaỹauega'a aso'maxare. Co'na'le, ca lapa'ñi'. Ca co'na' ime, ca pile'oga ca la'a'. Ca' aso 'aalo nachiltaco', ma' chita'co' imeuec queso la'aaxa.

2 Samuel 12:10

Ma' qami' se na'xaỹaxañiriua' na' huootaxañira'gue añi loua so Urías hitita le'ec quiyim coñita roua'e', vichiguiño' na nalauataxaua'e'ipi sqai ỹaxanec ma'le quiyim co'ueeteguelec na qachaalaxai'ipi.

2 Samuel 16:7

qam so Simei ỹaatqajam ishiuentac so'maxare. 'Naaco' quen: —¡'Ireu'guiyi quenajo, qami' alaxachi', lauataxanaxai!

1 Reyes 21:19

Ca ma' vichita, ca 'ñiraco': Da la'qaatec ñi qara'gaxala' 'neetasa': Ma' qami' lauachi' yi Nabot, ca' coñita na lalamaxaret, ca' chaqaina ná'maq hua'ñi na' qancolliisecshiguim saua leuo' quena pioxoripi, ca' chaqaina hua'ñi ma' qancolli'ishiguim caua reuochi'.

Salmos 51:14

Qami' qota'olec, qami' ná'maq qami' chicqo'ot da ica'laxa, se yoviraxachira'a quiyim salauataxan, ca' sa'xatetac ma'le so'ueenaxanta'uegue quiyim qami' 'maxaraic da no'ueenataxaqui'.

Salmos 51:16

Ma' qami' sqai 'maxariñi' aca chi nachitaxanataxanqate loqo'm aca qaỹavigaxat; ỹim seshit saanem quet qami', qam qami' sqai 'maxariñi' aca'maxare.

Salmos 51:4

'Ue da ỹasauaxaset caqami', da'maxare qaqamite' hueeto'ot, na' so'uet na se no'uen, ná'maq se rqo'chita qami'. Vichiguiño' ỹa'maqachiguiñi da ra'xalenataxanaxaqui'; chaqai sqaica imaqa'guita naua ra'qaataxahi'.

Salmos 90:8

Naua qarasauaxasete' chaqai naua qareualoxonqaishico naua'que 'ajñisa'pe.

Isaías 5:24

Ca' chaqaida dá'maq 'neeta na norec quena' ỹavigaxat na 'uaqapi chaqai na lauaq ỹavicañi nqai'en ana laue lasooxoi, ca chaqaida 'neete' qamiri ma' ra'lliỹañi, 'ec ana qo'paq ỹasoochi'ñoto naua lpa'yii chaqai ana lenoỹaxai sogui 'ec na lo. Ma' sqai coñiguit da napaxaguinataxanaxac chaqai da naqataxac quiñi qara'gaxala' sqaica lqalanec, ñí'maq co'teeta qota'olec quena Israel. (5.25-30 Nouaxanaxaset na nemaqajnaxairipi. Ñi qota'olec nelata yi Israel so qomyipi qoỹoqo'tegue da na'gue quiyim nco'ỹa'e'.)

Jeremías 18:10

Qam cajo qomyipi, no'm ỹo'uet ca se no'uen chaqai se na'xaỹaxanalo naua ỹaqataxaco, ca' tot selata na ỹoqouagaxa sa'maxatetañi.

Amós 2:4

Ca 'neetasa' da la'qaatec ñi qara'gaxala': Yi qomyipi naalec yi 'laua Judá ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' liỹoqa'piguita naua lapaxaguinataxanaxaco ñi qara'gaxala', chaqai se na'xaỹaxanalo naua laqataxaco, ta'ta'a quiyim queetalec nqouagaxaintacot na lashiilqaipi lqolaquipi so 'auaxaic leta'allipi na'le.

1 Samuel 15:19

ca' ¿chi'neco' ma' sqai pacqajñirigui dá'maq qohinac caqami'? Ta'ta'a quiyim nquipichirelec ná'maq qarouootaxana'gue queso npa'guenaxaua, ca' iuanchigui qami' ñi qara'gaxala' quiyim se no'uen da 'viichi'sac.

1 Samuel 15:23

Ma' ỹaatqajam 'ue ca lasauaxaset cá'maq sqai huelec ñi'maxare, ca 'nejem cá'maq napaxaguintapega cá'maq idaanau'a cá'maq se re'xogui; ca nqouagaxaintacot na nqolaquipi, ca 'nejem ca se na'xaỹaxana ñi'maxare. Ca' qami' ma' se na'xaỹaxañi' quedá'maq qohinac caqami', ca' nagui ñi'maxare ro'yirauec quiyi romachi' quiyim qami' nashi.

1 Samuel 15:26

—'E', sqai qami' iỹaatac —'naaco' so Samuel—, ma' qami' sqai pacqajñirigui da la'qaatec ñi qara'gaxala'. Ca' nagui ñi'maxare sqai qami' nashi nqai'en quena Israel.