2 Samuel 12:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so David 'naaco' queso Natán: —Ỹim ỹaatqajam 'ue da ỹasauaxaset hueeto'ot ñi qara'gaxala'. Ca' so Natán 'naaco' queso'maxare: —Ñi qara'gaxala' se ỹo'uet ca nouaxanaxashichi' quedajo rasauaxashichi' chaqai se rillivi'.

2 Samuel 12:13 Iomraidhean Croise

Génesis 39:9

Quenajo na'a' qaica ca liỹa ỹapacauec, qaỹimeta. Chaqai so ña'co' qaica ca ỹollaapiguim, chi qaqamite', ma' qami' loua. Ca' ¿chi'negue queta' so'uet ca se ỹa'maxañi, chaqai quiyim sa'ue ca ỹasauaxaset quiñi qota'a?

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

2 Reyes 1:9

Ca chaqa'ma' ila' so nouaataxanaq lashi chaqai so cincuenta nalliripi. Ca co'na' ỹovi' so qomyipi, ca' so Elías nqa'xantañi cana roto aso quemaralec qa' ladocai. Ca' so nouaataxanaq lashi 'naaco' queso'maxare: —¡Qami' netaxaỹaxaqui, ñi qarashi 'naac quiyim renochirec!

Salmos 103:12

Ỹoỹoote'ogalo naua qarasauaxasete' coqomi', 'ec na' ỹoỹojchi da lqodoigue queda lauashiguim.

Salmos 51:16

Ma' qami' sqai 'maxariñi' aca chi nachitaxanataxanqate loqo'm aca qaỹavigaxat; ỹim seshit saanem quet qami', qam qami' sqai 'maxariñi' aca'maxare.

Salmos 51:4

'Ue da ỹasauaxaset caqami', da'maxare qaqamite' hueeto'ot, na' so'uet na se no'uen, ná'maq se rqo'chita qami'. Vichiguiño' ỹa'maqachiguiñi da ra'xalenataxanaxaqui'; chaqai sqaica imaqa'guita naua ra'qaataxahi'.

Salmos 51:6

Ỹaatqajam 'xoriñi' ca qom no'uen ca hueetagui añi le'taxanata, chaqai na iuel lli'ragui da na'deenaxanaxa.

Éxodo 9:27

Ca' so Faraón roỹaxane'ogalo' saua Moisés chaqai so Aarón. Ca 'naaco': —Ñauatalta' quiyim 'ue da so'maqajantac, qam chi ỹasauaxaset chaqai na iuo' laseripi. Mesqaiñi ñi ra'gaxalari.

Proverbios 25:12

'Ec aca nichicshaqate chaqai aca nqola chicqaugui ná'maq no'uen 'oro, ná'maq paguec loyac napaxaguinataxanaxac quecá'maq ỹa'den icoñi'chiguit.

Isaías 43:24

Sqai shiujnaxañita aca noqola late'e lo'daxaraic lahita quiyim nodo'isaho' 'ec aca rami'i', chaqai sqa vite ca lo'daxaset iuel quena le'uegaxa ca rachitaxanataxanaxachi' isecỹac. Ta'ta'a quiyim yco'taxachirec quena rasauaxashichi'; yo'taqa'gue na se no'uen 'viichi'sac.

Zacarías 3:4

Ca na'le, ca' so nelaatec ilate' saua lotaua' quiyim qanaqate' saua loho so Josué sauá'maq loho napio'ohi'. Ime, ca' 'naapega: 'Ajñi', dajo 'neetasa' quiyim nagui ñquiỹouec so rasauaxashichi'. ¡Nagui so'uet quiyim no'viichiriguilo naua noho nemaqachic lo'ol!

Mateo 14:10

Vichiguiño' relaataxanlec quiyim qaỹouaxanec so lqahic so Juan cañi ncoñiitaxanaxaqui.

Lucas 15:21

Ca' só'maq llaalec 'naaco': “Qami' ita'a, aỹim 'uo' da ỹasauaxaset hueeto'ot ñi qota'olec chaqai qami'. Ca' vichiguiño' sqa taiguit nagui quiyim 'ñirapiguiỹa' ỹim qachaalqui'.”

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Hebreos 9:26

Ma' quetqai chaqaido' 'neeta dajo, ca 'xoic quet quiyim qaỹalauat chicqochi'ñi na' ñaqai chita'gue qaỹo'uet na 'laua. Qam nagui ma' mashic imiguilo nqohine' naua na'xata', ca re'oq so Cristo nachaxan 'oonoqui', ca' dá'ogue ỹomachigui. Ma' chi nañaanalta' so'maxare, qaiyi naqat ná'ogue na nasauaxaset.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

1 Samuel 15:20

Ca' so Saúl 'naaco': —Ỹim ña'xaỹaxane'ta ñi qara'gaxala', chaqai somachichigui dá'maq yilarelec, chaqai ỹoxonec ñi Agag ñí'maq lashi na llaalqaipi so Amalec, chaqai ỹaatqajam ñomachichiguiñi sá'ogue so'maxare.

1 Samuel 15:30

Ca' so Saúl 'naaco': —Ỹim 'ue da ỹasauaxaset. Qam nagui qouaquiric iuanchigui nqai'ñi' ná'ogue na qo'xoiquipi chaqai quená'ogue na qomyipi quiyim qaiyiita se napaquirailec quiyim ỹim nashi. Ca' vichiguiño' rapilli' quiyim ñauequeta'pegue' qami', qaiyi ñqouagaxainot ñi ra'gaxalachi' qota'olec.