2 Samuel 11:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ime, ca' qohinapega pile'oga ca la'a', ca' quiỹo' naua lapiaate'. Ca co'na' ime inoxonec so Urías queso 'imec lodegaxat, ca' so nashi ilarec so no'uen na'ic lachitaxanataxanaxat.

2 Samuel 11:8 Iomraidhean Croise

Génesis 18:4

No'm 'maxariñite', ca' sashiilaxanaque ca huaxaỹaq, qaiyi quiỹohi' naua qapiaachiri. Ime, ca' nco'machiuec quena la'al ada qo'paq.

Génesis 19:2

Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 43:24

Ime, ca sá'ogue ỹaueguec queca la'a' so José. Ỹa'ue ca huaxaỹaq, qaiyi quiỹo' naua lapiaate', chaqai ỹa'ue qai'neeta ca loq so 'ashinyipi.

Génesis 43:34

Ca' so José qui'ỹaxanataxanegue só'maq hueetalec so lqui'ỹaxala'. Qam ỹapacauec nqai'en so ỹaanem so Benjamín quesaua liỹa'. Ca' so José chaqai saua lqaỹa' saua'que ne'taxaua'. Ca saua'maxare 'xoic da laỹaague'.

Lucas 12:2

Ma' sqaica ca se re'xogui quiyim se qaỹa'den, chaqai qaica ca qoỹoqtetegueñi quiyim se re'oq nqohin.

Lucas 7:44

Ca' so Jesús ra'ỹo'ot aso 'aalo. Ime, ca' 'naapega so Simón, 'naaco': —¿Qami' peeta'a ra'iisa'a ñijo 'aalo? Cana' ñinoxonougui na qauochi', qam se nañaañi' ca huaxaỹaq lquiỹoqte' naua ichil. Qam añí'maq ñijo 'aalo quiỹo' naua ichil, quiỹoxonalo naua lachi', chaqai ỹashiviaqte', ỹahote'e na laue.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.