2 Samuel 11:2 - La'qaatqa ñi qota'olec Qota'olec & Qota'olec Novita Na Qomyipi

² Ca 'uo' so avit co'na' ne'laxashiguim so David chicqojlec so lomala', ca taashi'megue na lelaq so 'imec lodegaxat. Ca' chi ỹouootegueri', ca idaanto'o' aso 'aalo ỹaatqajam lo'yaxana nachiltac.

2 Samuel 11:2 Iomraidhean Croise

Génesis 12:11

Ca co'na' shim ỹovita yi Egipto, ca' so Abram 'naaco' caso loua Sarai: 'Ajñi', ỹim ỹaatqajam sa'deenta quiyim qami' ỹaatqajam lo'yaxana 'aalo.

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Génesis 34:2

Qam so llaalec so Hamor só'maq nashi heveo le'ec, leenaxat Siquem, iuane'ta aso'maxare. Ca' quepegue', 'eno'm se nasen, qam qaiyiita lapa'ñi', ca' chi iualaxain.

Génesis 39:6

Ca co'na' so José reloqota'a so louenqaipi so Potifar, ca so'maxare tot qaica ca ỹo'uet, ta'ta'a da lqui'ỹaxac. Ca' so José ỹaatqajam imaañi da loyac, ca' quena' qaỹa'ajan, ca' qanqo'ta.

Génesis 6:2

Ca' so llaalqaipi ñi qota'olec ỹa'ajanac quiyim lo'yaxanaipi so 'aallipi. Ca' nca'agui sá'ogue, ca' icona quiyim loua acá'maq nqo'ta.

Proverbios 31:30

Da la'maxa ca 'ueenataxac rayinaxan, da noyac imeuo, qam aca 'aalo acá'maq imaqachin ñi qara'gaxala' qota'olec, chaqaca ta'chiguit quiyim qaimaqachin.

Jeremías 19:13

Na 'imqaipi quena Jerusalén chaqai na lauo' lodegaxat na lashillipi yi Judá yí'maq hua'ñi quena' qaỹo'uet na nichiinaxanaxat, qoỹaanot na neeto'ot na piguim chaqai ỹocoraxatetac na lachitaxanataxanaxat lataxa quena liỹa 'neetapega qota'olec, ca' ná'ogue qohinta'gue ca napio'o, 'nejem yi Tofet.

Mateo 10:27

Dá'maq shinac caqamiri quena napalaxa, ca qamiri 'xachii quiyim viita'ñi ca re'qojlec; chaqai cá'maq ñimootaxantec quiyim sa'xatema qamiri, ỹaatqajam nichiñigue ma' na'xachiuec queca lelaq ca 'imec.

Mateo 24:17

Chaqai cá'maq hueetalec ca lauo' lelaq, se renotec quiyim 'ue ca queu'a pa'aataho.

Mateo 5:28

Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Hechos 10:9

Ca' queso liỹa na'xa'a co'na' ñaqai queesa'gue so nayic co'na' mashic ipalasau'a yi Jope, ca' so Pedro taashi'ma ca pa'aashiguim queca 'imec, ca' nqouagaxain, mashic na'xa'a lavinñi.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

1 Juan 2:16

Ma' qaica quet cá'maq hueetalec ana 'laua quená'maq nanatqaipi se no'uen chicqo'ot quet ñi qota'olec, ta'ta'a quiyim chaqaina ná'maq 'laua hueetalec. Na se no'uen lamaanaxanqachic na qaroshicmaxa, ná'maq qarishoxo quiyim hueeto'oto qomi' ná'maq qarqo'ta quenaua qanqote', chaqai da maqajnaxac quenanchaqaina queda qanachaalataxac, ná'ogue najo ná'maq seuanaxa qaỹachaxantac, qam chaqai hueetalec najo 'laua.

1 Samuel 9:25

Ca co'na' renochiñi chicqorashi'megue aso ncopatoxonaxalate naari'ña so na'a', ca chaqa'ma' qaỹa'maxatetañi ca loma' so Saúl hueetalec nqohin ca lelaq ca 'imec.