2 Samuel 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ ca' so David 'naaco': —Qami' taalec nagui cá'maq chi relauaxa'e', ma' chaqaiqami' ná'maq 'ñirac quiyim lauachi' so nashi lca'acsec ñi qara'gaxala'.

2 Samuel 1:16 Iomraidhean Croise

2 Samuel 1:10

Ca na'le, ca ñqo'neu'a, ca' salauat. Ma' yitan quiyim tot ishit quiyim liỹa nca'leuec mashic huaañi. Ime, ca' ñaqat ana nashi nado'o neetagui na lqahic chaqai na louaqsec, ca' ñoda'alo qami', ma' qami' ỹa'gaxala'.

2 Samuel 16:8

¡Ñi qara'gaxala' ỹo'uet da nouaxanaxashichi' taỹaugui nqai'en ná'ogue ná'maq ralauataxanaxaqui', na' npa'guiñisa'pegue' na llaalqaipi so Saúl, na' viisaque quiyim pa'a'iri'ñi yi loma' quiyim nashi! ¡Ca nagui ñi qara'gaxala' ỹaanem da ro'ueenataxanaxaqui' so qachaalqui' Absalón, ca' nagui viise'e najo, ma' qami' loxonec dá'maq chi reualoxonqaishiqui', ma' qaica ca liỹa, ta'ta'a quiyim qami' lauataxanaxai!

Ezequiel 18:13

cá'maq ra'ualaxanaxanot aca lam quiyim qaỹouen chaqai nallijlec quiyim ỹa'ue aca lauegue, ca' cajo ỹale se ishit quiyim nca'leetauec, ma' ime quiyim ỹo'uet ná'ogue ná'maq se yqo'ta, ca' ileu ma'le. Ca' chaqaica ỹo'uet dá'maq chi lelauaxa.

Mateo 27:25

Ca' sá'ogue so qomyipi nemaashiguim, 'naaco': —¡Qomi' chaqai na qochaalqaipi ñomatqalta' quiyim qarasauaxaset da lelauaxa!

Lucas 19:22

Ca só'maq nashi 'naaco': “Qami' nelaatec se no'uen, quedá'maq chi ra'qaachiqui', ca' chaqaida da sachigoxochichigui ca nouaxanaxashichi' quiyim sa'ue. Qami' mashic 'yiiñi' quiyim ỹim pagaxalaic quiyim secona cá'maq se ỹalamaxaret, chaqai ñaqat ana la cá'maq sqai ỹanecsec.

Hechos 18:6

Qam so judioipi lama'xa retaqata'guit so Pablo, se ichira'pe naua la'qaatqa. Ca so Pablo ỹochigoxoi' saua loho, ca' dajo tai'a quiyim so Pablo ca'e so qomyipi. Qam 'naapego': —Qamiri chi nasauaxachiỹalta' ma' novi' ca relauaxahi, ma' ỹim totqa saỹapegueu'a. Ca' nagui shic, shicpegue' na mesqai judioipi.

Hechos 20:26

Vichiguiño' sahotaque shiñiỹapegaxaua' quiyim nagui taachi'ñi quiyim qaica ca ỹasauaxaset queda 'ñiita.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

Josué 2:19

Ca no'm 'ue ca inoxonec queca ra'aachi', ca ca'maxare chi nasauaxatalta', no'm ileu se qarasauaxaset. Qam no'm 'ue ca i'guentau'a ca hueeta'ñi ca ra'aachi', ca' qomi' qarasauaxaset.

1 Samuel 25:39

Ca co'na' so David 'uo' da la'xaỹaxac quiyim ileu so Nabal, ca 'naaco': —¡Ỹaatqajam 'xorenataxanaxai ñi qara'gaxala', ma' ỹa'ue ỹovi' quedá'maq 'ne'tegue aỹim na'le so Nabal! ¡Ma' ñi'maxare yquepaxat quiyim so'uet ca se no'uen, ca' chaqai tajlec nqai'en so Nabal dá'maq ỹo'ueetetac se no'uen! Ime, ca' so David ilata da la'qaatec aso Abigail quiyim ỹahotaque loua.