Biblia Todo Logo
Bìoball air-loidhne

- Sanasan -




2 Pedro 3:3 - La'qaatqa ñi qota'olec Qota'olec & Qota'olec Novita Na Qomyipi

3 Qam qamiri se couahitaque ma'le dajo: ma' quecaua co'uaataxanaxaqa na'xata', ca' 'ue ma'le ca qomyipi i'neetac ma'le dá'maq coñiguit na'qaatec, ma' queeta'pegue' dá'maq se no'uen 'ueenataxac.

Faic an caibideil Dèan lethbhreac




2 Pedro 3:3
17 Iomraidhean Croise  

Ne'naqaipi qaica ca retan, 'naxanaxaiquipi chaqai qaica ca la'deenataxanaxac, ¿laquio' 'xañiñi quiyim quiitalec quiyim qaica ca retanaxanaxaguii, chaqai quiyim nachiỹa ca ra'maxahi queda re'naxanaxaguii, ca' se rqo'chiỹa da na'deenaxanaxa?


Vichiguiño' ñaq na'xaỹaxañiỹalo naua la'qaatqa ñi qara'gaxala', qamiri ỹalliripi se ra'maqataxan, qamiri lashillipi na qomyipi quena Jerusalén.


Qamiri ná'maq 'ñiỹaiquen: Quiyim ñi qota'olec iỹalata'gue cá'maq ỹo'uet, qaiyi seuanqachigui; quiñí'maq co'teeta qota'olec quena Israel quiyim iỹalata'gue ỹo'uet cá'maq ỹahotaque, qaiyi sa'deenqata.


Cá'maq se icoñiguit aỹim chaqai se na'xayaxanalo naua ỹa'qaatqa, chaqa'ma' shi'gue 'ue ñí'maq ỹo'uet ca nouaxanaxaset ca'maxare. Nauá'maq na'qaatqa sa'xateta'pe, chaqainaua nauá'maq ỹo'ueete' ca nouaxanaxaset ca qom queca pa'aatec na'xa'a.


Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.


Chaqai qai'neeta 'yiiñi' ma'le ma' nepalata ca nqodoc, ca' novirero naua na'xata' 'xoic lqalaigue'.


Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.


Qam 'neeto' lotqai couahitaque dajo, quiyim qaica quet ca la'qaatec ñi qota'a quená'maq naneretañi, qaica quet cá'maq chi nodajlec quiyim ichoxot ca leloxoỹaxac.


Ñi qota'a paguec ma'le ca nouaxanaxaset nqai'en ná'maq queeta'pegue' na se no'uen lamaanaxanqachic quená'maq rapio'qotaxan chaqai liỹoqa'piguit da lelaataxanaxac so qara'gaxala'. Na'maxare ỹaatqajam se na'xaỹaxan, chaqai qaica ca huapigui lauel, chaqai se no'chi quiyim retaxaỹa'guit ná'maq paguec da lquesaxanaxa se re'xogui.


Qamiri ỹaalqolqa, nagui mashic ỹovire'ogalo naua pa'aaterec na'xata'. Ma' qamiri shi'gue 'xahita'guit quiyim naata cá'maq npa'guene'e' ma'le so Cristo. Qam nagui mashic re'oq quiyim 'xoic ná'maq npa'guente'e' so'maxare, ca vichiguiño' sa'deenaq quiyim mashic seuqatauguilo naua pa'aaterec na'xata'.


Na'maxare ỹaatqajam taxaỹaxaiquipi, chaqai queeteguelec na liỹaripi, chaqai qaidaata ỹahotaque quiyim qainaata ỹa'maqachiguiñi. Chaqai ỹaatqajam lo'yaxanqa naua la'qaatqa, chaqai neneequesenaxahi' naua la'qaatqa quiyim retaxaỹa ca liỹa qom, sha'apiguito' 'ue cá'maq naquitetaque queca'maxare.


na' 'nerac caqamiri: “Quecaua pa'aaterec na'xata', ca 'ue ma'le ca qom chaqai i'naari' dá'maq na'qaatec qoyiuelec, ca chaqai queeta'pegue' ná'maq la'deenataxanaxaquipi se no'uen.”


Lean sinn:

Sanasan


Sanasan