2 Pedro 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' ỹachigoxochichiguilo nauajo nauá'maq 'em quiyim ñi qota'a 'ue da ỹachaxantac coqomi' chalego lecaigue' chaqai chalego lecaic ca lashivichaxac, qaiyi chicqochigui dá'maq qaỹachaxantac, ca' qamiri viriỹau'a quiyim nouañiỹau'a da no'ueenataxac ñi qota'a chaqai rayichii sqa lliguiguit ná'maq se no'uen namaanaxanaxa qanodolec na 'laua.

2 Pedro 1:4 Iomraidhean Croise

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

2 Corintios 1:20

Ma' chaqaiso só'maq ipaquichiguilo nqai'ne' naua'que nauá'maq ỹachaxanta'pe ñi qota'a. Ca vichiguiño' quena' semaqachinaq ñi qota'a, chaqai chicqochigui so Cristo Jesús quiyim dá'ogue da qarasaataxac quiyim shinqac: “Ajá'a, chaqaida 'neeta dajo.”

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 6:17

Ca vichiguiño' qai'neeta 'naac ñi qara'gaxala': Oquii'e, noỹoochiuec quena'maxare; sqai coñigui ná'maq napio'xot da chaalataxac. Ca ma'le, ca' ỹim secoñiguita qamiri,

Gálatas 3:16

Qam nagui retañite', ñi qota'a na' 'vii naua ỹachaxanta'pe queso Abraham chaqai queso llaalec, ca' naua nerecse' la'qaatqa ñi'maxare sqai 'nerac: “ca qachaalaxai'pi”, 'ec quiyim 'xoic ca qomyipi 'neetapega. Ta'ta'a quiyim 'naac: “ca qachaalqui'.” Ca' dajo 'oonoqui' cá'maq 'neetapega, ca cá'maq qohintapega chaqaiso so Cristo.

Gálatas 6:8

No'm 'ue ca qom ỹanñi dá'maq chi lqo'itaxanqachic na loshicmaxa, ca' dajo no'ueenataxac ỹo'uet ma'le quiyim naqat ca chi lelauaxa. Qam cá'maq ỹanñi cá'maq ỹahotaque so Espíritu Santo, ca' so'maxare ỹaanem quiyim naqat ca'maxare dá'maq chi lca'laxa sqaica ca lqodoc.

Efesios 4:13

chi ỹovireto'o' ma' qomá'ogue lapoỹata' da qarpi'ỹaxac chaqai quiyim sa'deenqata so llaalec ñi qota'a. Ca shinqatari' ca mashic ỹi, vire'to' ma' 'ec qaraloxoua so Cristo.

Colosenses 3:10

Chaqai mashic ñiiñi dá'maq dalaxaic 'ueenataxac, ca noquiiquetashiguim da nadalqataxac, chi ỹovireta'a quiyim 'nejem da no'ueenataxac ñi qota'a ma' chaqaiñi ñí'maq ỹo'uet, chi ỹovireta'a quiyim ỹaatqajam qaỹa'deenta ñi'maxare.

Hebreos 12:10

Saua 'auaxaqa re'qoochiguilo qareta'al cocho'qui' ỹapaxaguinque qomi' dá'maq ipeetera'a 'maxaraic 'ueenataxac. Qam ñi qota'a ỹapaxaguinque qomi' dá'maq ỹaatqajam qara'maxa, ma' ỹahotaque co'teete' qomi', shinqatam ñi'maxare co'teeta.

Hebreos 9:15

Ca' vichiguiño' so Jesucristo chaqaiso só'maq retaqalgoto qomi' nagui queda dalaxaic 'maqataxac. Ma' vichiguiño' 'uo' na'le da lelauaxa so Cristo, qaiyi qaỹapalaxate' saua nasauaxasete' hueesaugui só'maq 'auaxaic 'maqataxac, chaqai quiyim ná'maq mashic roỹaxana ñi qota'a ishit icoñiguit cá'maq lalamaxat qaica lqodoc ỹachaxantaco' na'le ñi'maxare.

Santiago 1:27

Ma' dá'maq 'ueenataxac ỹaatqajam co'teeta chaqai qaica ca hueetaugui nasauaxaset ra'ijlec ñi qota'olec, 'neetasa': ca qom ỹotauan ca na'peloq chaqai aca pa'ỹe hueetaugui ca ne'guenaxac, chaqai ỹaatqajam noyinguit ná'ogue na se no'uen huelec na 'laua.

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

2 Pedro 3:13

Qam qomi' ñauaanqata'guit ca piguim dalaxaic chaqai ca 'laua dalaxaic ỹachaxantac na'le ñi qota'a, cá'maq hua'ñi ma'le quiyim ná'ogue na qomyipi 'maxaraic da no'ueenataxac chaqai huagaxaraic.

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.

1 Juan 2:25

Ca' chaqaida dá'maq ỹachaxantac na'le so Jesucristo quiyim ỹaanema qomi' da nca'laxa sqaica lqodoc.

1 Juan 3:2

Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.