2 Pedro 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

2 Pedro 1:1 Iomraidhean Croise

Mateo 10:2

Ca' nauajo nauá'maq leenqate' sauá'maq doce lelaatqa: Simón, ca' da liỹa leenaxat Pedro; chaqai so lqaỹa Andrés; Jacobo chaqai so lqaỹa Juan, llaalqa so Zebedeo;

Mateo 4:18

Ca' so Jesús ỹouootegueri', queeto'ot na lahi aso latogot late'ogue' quiyi Galilea. Ca co'na' iuane'talo saua dos nqaỹa', so 'óna dos leenqate' Simón Pedro, ca' so liỹa leenaxat Andrés. Saua'maxare inaqasegueñi so laleguegue', ma' qoinaxanaxaqa saua'maxare quena nallin.

Lucas 1:47

chaqai da ñachaalataxac ỹaatqajam netoonta'pegue ñi qota'olec ñí'maq ica'laxala'.

Lucas 11:49

Vichiguiño' ñi qota'olec queda la'deenaxanaxa 'naac: “Selata ma'le na ỹa'qaataxanqajanqaipi chaqai ca ilaatqaipi, ca 'uo' ma'le ca qaỹalauat, chaqai ca liỹaripi, ca' qaỹocantac.”

Juan 1:42

Na' ime, ca' so Andrés ỹauec so Simón, ỹauega yi neeta'ñi so Jesús. Ca' so Jesús co'na' idaana'guit so'maxare, ca 'naaco': —Qami' Shimoñi', ma' qami' llaalec so Jonás, qam nagui qadeenaxachi'o' Cefas —qam dajo neenaxat leloxoỹaxac quiyim Pedro, loqo'm qa'.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Hechos 15:14

Ñi Simón Pedro ra'qaataxanema qomi' quedá'maq 'neeto' da lqouagaxa ñi qota'olec na' 'auaxaic nqouaguegue so mesqai judío, ca ỹa'ue na lca'acsec, ỹachigoxotaugui na'maxare, ma' ỹahotaque quiyim lalamaxat.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

Romanos 1:12

Qaiyi quiñi 'óna ỹa'ñaxat ca liỹa quiyim ña'ñaxataxalec da npi'ỹaxac hueeto'ot aỹim chaqai qamiri qai'neeta.

Romanos 1:17

Ma' dajo na'qaatec ichoxotema qomi' dá'maq 'neeta quiyim icoñi'chiguita qomi' ñi qota'a. Queda npi'ỹaxac, chaqai qaidaata da npi'ỹaxac. Ma' 'nerac naua naneresañi la'qaatqa ñi qota'a: “Cá'maq ỹa'maxarenta ñi qota'olec, dá'maq no'uen nachaalataxac chicqochigui da lpi'ỹaxac.”

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 15:9

Ma' ỹim qaica ca imaqachic, sqai shinta só'maq liỹa lelaatqaipi so Jesús, chaqai sqa taiguit quiyim qaỹamatahic ỹim lelaatec so'maxare, ma' socantac quen na'le ná'maq huelec ñi qota'a.

1 Corintios 9:1

'Nesa ma' ỹim quecá'maq sham shi'ntegue qaica quepaxat aỹim, chaqai yalau'a da no'ueenataxac ca lelaatec so Jesús, ma' ỹim ñauane'e' so'maxare só'maq qara'gaxala'. Chaqai qamiri ná'maq 'em re'oq da ỹo'ueenataxanaxac quiyim so'ueenataxantacot so qara'gaxala'.

2 Corintios 4:13

Naua naneresañi na'qaatqa 'nerac: “Seuelec, ca vichiguiño' setaqa.” Ca qomi', ma' chaqaida dá'maq 'neeta da qarpi'ỹaxac, seuaqlec qomi', ca' vichiguiño' sa'xataq.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

Gálatas 2:8

Ca chaqaiñiita ñí'maq qota'a ỹo'uet quiyim aỹim nelaatec queso Jesús, qayilarelec na sqai judioipi, 'nejem so Pedro na' qailarelec na judioipi.

Efesios 3:5

Dajo se re'xogui ỹaatqajam qaica ca qaỹa'deenaxanaxanegue quesaua 'auaxaqa ñaxari. Qam nagui, ca' ñi qota'a ỹachaxanem ná'maq co'teeta lelaatqaipi chaqai na letaxaỹaxanqajanqaipi, chicqochigui nqai'en so Espíritu Santo.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

Efesios 4:5

'Ue so 'oonoqui' qara'gaxala', 'oonoqui' da npi'ỹaxac, 'oonoqui' da chilaxac,

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

Filipenses 1:29

Ma' qoỹaanema qamiri da na'aachicyaxaguii ma' viilec so Cristo. Qam sqaidaata quiyim viilec so'maxare, ma' qai'neeta viriỹau'a da re'xoriguii, soviỹalec so'maxare.

Filipenses 3:9

chaqai quiyim ña'deeta'guit so'maxare. Qam mesqai chicqaugui cá'maq chi ña'maqataxac quiyim shiquichi'nguilo naua laqataxaco so Moisés; ta'ta'a quiyim dá'maq 'maqataxac qoỹaanem quiñi qota'a cá'maq huelec so Cristo. Qam dajo no'uen qano'ueenataxac chicqochigui da qarpi'ỹaxac.

2 Timoteo 1:5

Chaqai quena' so'leente'te dá'maq 'maxaraic rpi'ỹaxaqui'. Dajo no'uen npi'ỹaxac 'aue'tot aso rcomeena'e' Loida chaqai aso qachii'i' Eunice, ca' nagui sa'deenta quiyim hueeto'ot qami' qai'neeta dajo npi'ỹaxac.

Tito 1:1

Aỹim Pablo, aỹim la'ac ñi qota'a chaqai aỹim lelaatec so Jesucristo quiyim sotauan da lpi'ỹaxac na lca'acseripi ñi qota'a, qaiyi ỹaatqajam ỹa'deenta na'maxare dá'maq ỹaatqajam leloxoỹaxac dá'maq llic na'qaatec qomi' seuaqlec,

Tito 1:4

Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.

Tito 2:13

Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

Santiago 1:1

Aỹim Santiago, aỹim la'ac ñi qota'a chaqai so qara'gaxala' Jesucristo, selata da iquinaxanaxac na qomyipi quená'maq chicqaugui so doce llaalqaipi so Israel quená'maq neuagaxajlec ná'ogue na 'laua.

1 Pedro 1:1

Aỹim Pedro, aỹim lelaatec so Jesucristo, shiriñi anajo ilaata, selata ná'ogue ná'maq neuagaxatetac, ná'maq sqai neetalgoto nauá'maq lalamaxarete' la'aate', ta'ta'a quiyim neetalgoto yaua 'lauari Ponto, Galacia, Capadocia, Asia, chaqai yi Bitinia,

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

1 Pedro 2:7

Caqamiri ma' mashic viilec, ca' sojo qa' chalego da lovic, qam quená'maq sqai huelec, ca' ipaquichigui ma'le dá'maq naneretañi la'qaatec ñi qota'a: So qa' ỹañijno' na'le so 'imec lo'ollipi, ca ỹovira'a quiyim chaqaiso só'maq nollaañi ca 'imec.

1 Pedro 5:1

Nagui sa'ue da ỹaqataxac quená'maq la'gaxala' ná'maq mashic icoñiguit da na'qaatec, ma' ỹim qai'neeta ỹim na'gaxala' shintam aqamiri, chaqai sauanchigui dá'ogue dá'maq le'xoric so Cristo, chaqai qai'neeta shinta ma'le saua'maxare ñouanau'a ca lauaq qaỹachaxan ma'le.

2 Pedro 1:4

Ca' ỹachigoxochichiguilo nauajo nauá'maq 'em quiyim ñi qota'a 'ue da ỹachaxantac coqomi' chalego lecaigue' chaqai chalego lecaic ca lashivichaxac, qaiyi chicqochigui dá'maq qaỹachaxantac, ca' qamiri viriỹau'a quiyim nouañiỹau'a da no'ueenataxac ñi qota'a chaqai rayichii sqa lliguiguit ná'maq se no'uen namaanaxanaxa qanodolec na 'laua.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.