2 Juan 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Dajo ne'xorenataxanaxa chicqochigui quiyim ña'xaỹaxanqa'talo naua lelaataxanaxaco ñi qota'a. Chaqai da lelaataxanaxac chaqaida dá'maq shi'gue 'xahichigui na'le, quiyim 'xorenataxañii.

2 Juan 1:6 Iomraidhean Croise

Juan 14:15

No'm qamiri yi'xoriñii, ca na'xaỹaxañii'talo naua ilaataxanaxaco.

Juan 14:21

Cá'maq ỹa'deene' chaqai na'xaỹaxanalo naua ilaataxanaxaco, ca'maxare re'oq quiyim ỹaatqajam llic yi'xoren. Chaqai ñi ita'a i'xoren cá'maq yi'xoren, chaqai ỹim qai'neeta se'xoren, chaqai ñachaxana ma'le ca'maxare.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 15:10

No'm na'xaỹaxañiỹa na ilaataxanaxaquipi, ca' quiitalec dá'maq i'xorenataxanaxa caqamiri, ca 'nejem aỹim ña'xaỹaxanalo naua lelaataxanaxaco ñi ita'a, ca' shiquetalec da le'xorenataxanaxa caỹim.

Juan 15:14

No'm 'viichii da ilaataxanaxac, ca' qamiri ñauochaxaua'.

1 Juan 2:24

Vichiguiño' 'maxachii cañi re'taxanatahi dá'maq na'xaỹaxanaxaguii na' ñaqai chita'gue coñiguit da na'qaatec. Ca no'm dá'maq shi'gue na'xaỹaxanaxaguii hueetagui añi re'taxanatahi, ca' qamiri qai'neeta na'yiita'guit ñi qota'olec chaqai so llaalec.

1 Juan 2:5

Qam cá'maq ỹo'uet da lelaataxanaxac ñi'maxare, ca' ỹovira'a quiyim ỹaatqajam nqo'ta ñi qota'a. Ca' chaqaida dá'maq 'neeta, ca' sa'deenaq quiyim ña'daqata'guit ñi'maxare.

1 Juan 2:7

Qamiri ỹaqaỹa', dá'maq seretegueñi quiyim selatalo qamiri, mesqai dalaxaic nelaataxanaxac. Chaqaidaata dá'maq nelaataxanaxac coñiguit na' ñaqai chita'gue coñiguit da na'qaatec. Dajo ñauapec nelaataxanaxac chaqaida dá'maq na'qaatec 'xahichigui na'le.

1 Juan 5:15

Chaqai quiyim mashic sa'deenaq ñi qota'a quiyim na'xaỹaxana da qanqouagaxainaxac, ca qai'neeta sa'deenaq quiyim mashic seconaxaguit cá'maq sashiilaxanqataque.

1 Juan 5:3

Ma' dá'maq ne'xorenataxanaxa quiñi qota'a, chaqaida dá'maq quiyim qana'xaỹaxane'talo naua lelaataxanaxaco. Chaqai naua'maxare se qalachi.

2 Juan 1:5

Ca' qami' ỹaqaỹa, nagui ñi'xoresene'tot qami' quiyim ñi'xorenaqta'. Dá'maq shiriñi nagui caqami' mesqai dalaxaic nelaataxanaxac, ma' qaidaata dá'maq qohinapegalo qomi' na' ñaqai chita'gue seconaxaguit da na'qaatec.